1 جەلتوقسان كۇنى تاڭەرتەڭ الماتى قالاسى نازاربايەۆ داڭعىلى بويىندا الدەكىمدەر "ادام اتىنا – 47،3 ملرد تەڭگە"، #cancelelbasy جانە #qazaqkoktemi حەشتەگى جازىلعان باننەر ءىلىپ قويعان. بۇل تۋرالى instagram الەۋمەتتىك جەلىسىندە rukh2k19 پاراقشاسى حابارلادى.
#Cancelelbasy حەشتەگىن اعىلشىن تىلىنەن قازاقشاعا اۋدارعاندا، "ەلباسىنىڭ كۇشى جويىلسىن" دەگەن ماعىنانى بىلدىرەدى.
داڭعىل بويىندا ىلىنگەن باننەر اۆتورلارىنىڭ كىم ەكەنى بەلگىسىز. الايدا ولار rukh2k19 پاراقشاسىنا جاسىرىن تۇردە جازبا جولداعان.
"ءبىز 2019 جىلعى 23 ناۋرىزدا قازاقستان ۇكىمەتى حالىقتىڭ پىكىرىمەن ساناسپاي، ەل استاناسى مەن ورتالىق كوشەلەرىنىڭ اتاۋىن قالاي وزگەرتكەنىن ۇمىتپادىق. ءتۇرلى دەرەكتەر بويىنشا، 47،3 ملرد تەڭگەدەن استام قاراجات نازاربايەۆتىڭ ەسىمىن ماڭگى ەستە قالدىرۋعا جۇمسالدى. بۇگىن ول جانە ونىڭ شاكىرتتەرى بۇل كۇندى مەرەكە رەتىندە اتاپ ءوتىپ جاتىر. ال ونى مويىندامايتىن ازاماتتار نازاربايەۆتىڭ جەكە باسىنا تابىنۋدى قالاي توقتاتۋ كەرەگىن ويلاۋدا" دەپ جازعان باننەر اۆتورلارى.
بەلگىسىز اۆتورلار ءاربىر قازاقستاندىقتىڭ مەملەكەت ىستەرىن باسقارۋعا قاتىسۋ مۇمكىندىگى بولۋى كەرەك دەپ سانايدى.
"قازاقستان رەسپۋبليكاسىنىڭ كونستيتۋسياسىندا "بيلىكتىڭ بىردەن-بىر باستاۋى حالىق بولىپ تابىلادى" دەلىنگەن. ءبىز ءاربىر قازاقستاندىقتىڭ مەملەكەت ىستەرىن باسقارۋعا قاتىسۋ مۇمكىندىگى بولۋعا ءتيىس دەپ سانايمىز. ءبىزدىڭ تاڭداۋىمىز بەن ءسوز بوستاندىعىمىز ساقتالۋى كەرەك.
سونداي-اق ءبىز ورتاق ۇيىمىزدە زاڭ الدىندا ءبارى بىردەي ەكەنىن مالىمدەيمىز. سوندىقتان "ۇلت كوشباسشىسى تۋرالى" زاڭنىڭ كۇشى جويىلۋعا ءتيىس" دەپ جازادى بەلگىسىز اۆتورلار.
ەسكە سالساق، 2017 جىلدىڭ 30 قاراشا كۇنى الماتىدا فۋرمانوۆ كوشەسىنە نازاربايەۆ اتى بەرىلدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ