30 قاراشا كۇنى اۋستراليا قىتايدان جالعان فوتونى جاريالاعان ءۇشىن كەشىرىم سۇراۋىن تالاپ ەتكەن بولاتىن. ءبىراق جۇڭگو كەشىرىم سۇراۋدان باس تارتىپ، اۋستراليا اۋعانستانداعى اۋستراليالىق ساربازداردىڭ اسكەري قىلمىستارىن جاسىرۋ ءۇشىن "كوپشىلىكتىڭ نازارىن اۋدارۋعا" تىرىسىپ جاتىر دەپ ايىپتادى، دەپ حابارلادى BBC.
"تاعىلعان ايىپتار تەك ەكى ماقساتقا قىزمەت ەتەدى. ولاردىڭ ءبىرى – كەيبىر اۋستراليالىق ساربازداردىڭ قورقىنىشتى قاتىگەزدىكتەرىنەن قوعامنىڭ نازارىن اۋدارۋ. ەكىنشىسى – قىتايدى ەكىجاقتى قاتىناستاردىڭ ناشارلاۋىنا كىنالاۋ. ىشكى ۇلتشىلدىقتى جانداندىرۋعا تاعى ءبىر ارەكەت جاسالۋى مۇمكىن" دەلىنگەن جۇڭگو تاراتقان حابارلامادا.
بۇعان دەيىن اۋستراليانىڭ پرەمەر-مينيسترى سكوتت مورريسون تەلەارناعا بەرگەن سۇحباتىندا بەيجىڭ جالعان اقپارات تاراتقانى ءۇشىن ۇيالۋى كەرەك ەكەنىن ايتقان.
پىكىر قالدىرۋ