1-6 جەلتوقسان ارالىعىندا ەلوردادا جۇمىسشى جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ۇيگە وتىنىشتەر قابىلدانادى.
«ءوتىنىش بەرۋ ءۇشىن ەلەكتروندى سيفرلىق قولتاڭبا قاجەت، ويتكەنى وتىنىمدەر تەك ونلاين رەجيمدە قابىلدانادى. بارلىق انىقتامالار مەن قۇجاتتار جاڭا بولىپ، ءوتىنىش بەرگەن كەزدە الىنۋى كەرەك»، - دەدى بريفينگتە نۇر-سۇلتان تۇرعىن ءۇي قورىنىڭ باسپا ءسوز حاتشىسى ارماناي وڭعاربايەۆا.
باعدارلاماعا قاتىسۋ ءۇشىن https://qatysu.zhilfond.kz/index.php پورتالى ارقىلى ءوتىنىش بەرۋگە بولادى.
ءوتىنىش بەرۋشىلەر بارلىق قۇجاتتار مەن انىقتامالار ءبىر سكانەرلەنگەن فايلعا تىركەلۋى كەرەك. ءوتىنىش بەرگەننەن كەيىن ءوتىنىش بەرۋشىلەر ونىڭ مارتەبەسى تۋرالى SMS حابارلاما الادى. ەگەر ءوتىنىش بەرۋشى باعدارلامانىڭ شارتتارىنا سايكەس كەلسە جانە تولىق ءتىزىمىن ۇسىنسا، وندا ءوتىنىم جۇمىسقا الىنادى. ەگەر ءوتىنىش بەرۋشى قۇجاتتاردىڭ تولىق ەمەس پاكەتىن تىركەسە نەمەسە ولار ساپاسىز بولسا، وعان تۇزەتۋ قاجەت ەكەندىگى تۋرالى حابارلانادى. ەگەر ۇمىتكەر باعدارلامانىڭ شارتتارىن ورىنداماسا، وعان باس تارتۋ تۋرالى حابارلاما كەلەدى.
ساتىپ الۋ قۇقىعىنسىز جالعا بەرىلەتىن تۇرعىن ءۇيدى الۋشىلاردىڭ تىزىمدەرى zhilfond.kz سايتىندا جاريالانادى.
وسى باعدارلاماعا قاتىستى بارلىق سۇراقتار بويىنشا 109 بايلانىس ورتالىعىنا حابارلاسۋعا بولادى.
ەستەرىڭىزگە سالا كەتەيىك، بۇعان دەيىن توتەنشە جاعداي جانە كارانتين رەجيمى كەزىندە ءوتىنىش بەرۋشىلەردىڭ تابىسى ازايىپ، ولار 42 500 تەڭگە العان بولسا، وندا بۇل ماسەلە ەسكەرىلەتىنى حابارلانعان بولاتىن. ول ءۇشىن سىزگە وسى جەڭىلدىك ەسەپتەلگەن كارتانىڭ شوتىنان ۇزىندى-كوشىرمەنى قوسۋ قاجەت.
ىرىكتەۋ باللدىق جۇيەگە نەگىزدەلەدى. ۇپايلار وتباسى، بالالارى، جەكە كاسىپكەرلەرى، مەملەكەتتىك قىزمەتتە نەمەسە بيۋدجەتتىك ۇيىمدا جۇمىس ىستەگەنى ءۇشىن بەرىلەدى. جەكە جەتىستىكتەر دە ەسكەرىلەدى - سەرتيفيكاتتار، ماراپاتتار.
سوڭعى ەكى جىلدا مەنشىك قۇقىعىمەن تۇرعىن ءۇيى جوق 29 جاسقا دەيىنگى قازاقستان ازاماتتارى جالعا بەرىلەتىن تۇرعىن ءۇي الۋعا ءوتىنىش بەرە الادى. سونىمەن قاتار ەرلى-زايىپتىلار مەن بالالاردىڭ مۇلكى بولماۋى كەرەك. سوڭعى ەكى جىلداعى ءۇزىلىسسىز تۇراقتى تۇرۋعا رۇقسات قاجەت. ءوتىنىش بەرۋشىلەردىڭ رەسمي كىرىسى 40 اەك نەمەسە سوڭعى التى ايدا 111 120 تەڭگەنى قۇراۋى كەرەك.
پىكىر قالدىرۋ