ءبىلىم جانە عىلىم مينيسترلىگىنىڭ اپپاراتتىق وتىرىسىندا مينيستر اسحات ايماعامبەتوۆ پەداگوگتاردى دايىنداۋ ماسەلەسىنىڭ ءالى دە وزەكتى ەكەنىن ايتتى.
– پەداگوگتاردى دايىنداۋ پروبلەماسى وزەكتى ەكەنىن وزدەرىڭىز جاقسى بىلەسىزدەر. شىنى كەرەك، ءالى دە كوڭىلىمىز تولمايدى. مەكتەپتەر ۋنيۆەرسيتەتتەرگە قاراعاندا، باعدارلامالارىن وزگەرتتى. ۋنيۆەرسيتەتتەر سوعان ۇلگەرمەي وتىر دەپ مەكتەپتەر مەن ءبىلىم باسقارمالارى وزدەرى ايتىپ وتىر. ونىمەن كەلىسۋگە دە، كەلىسپەۋگە دە بولادى. ءبىراق پروبلەمالىق سۇراقتار بار ەكەنى انىق. ونى رەتتەۋدى ۋنيۆەرسيتەتتەر وزدەرى قولعا الۋعا ءتيىس. مينيسترلىككە قانا قاراپ وتىرماۋى كەرەك. بۇل جەردە وقۋ-ادىستەمەلىك بىرلەستىكتەردىڭ ءرولى ۇلكەن، – دەدى مينيستر.
مينيستر باعدارلامالاردى وزگەرتۋگە بولاتىنىن ايتا كەلىپ، مەكتەپكە كەرەك مامانداردى دايارلاۋ وزەكتى ماسەلە ەكەنىن جەتكىزدى.
– وقۋ-ادىستەمەلىك بىرلەستىكتىڭ ەڭ باستى ماقساتى – بارلىق ماماندار بويىنشا دايىنداپ وتىرعان جوعارى وقۋ ورىندارىنىڭ جۇمىسىن ۇيلەستىرۋ. كاسىپتىك ستاندارتتى دايىنداۋ كەرەك. جالپى ءبىلىم باعدارلامالارىن جاڭارتۋ كەرەك. جۇيەلى تۇردە وسى وزگەرىستەردى ەنگىزۋ كەرەك، – دەدى ايماعامبەتوۆ.
پىكىر قالدىرۋ