پرەزيدەنت قاسىم-جومارت توقايەۆ سىرتقى ىستەر ءمينيسترى مۇحتار تىلەۋبەردىنى قابىلدادى. بۇل تۋرالى اقوردا سايتى حابارلادى.
سايت مالىمەتىنشە، مينيستر توقايەۆقا سىرتقى ىستەر مينيسترلىگىنىڭ وسى جىلدىڭ باسىنان بەرى اتقارعان جۇمىسىنىڭ نەگىزگى قورىتىندىلارى تۋرالى اقپارات بەردى. سونىڭ ىشىندە، وزگە ەلدەرمەن ەكىجاقتى ىنتىماقتاستىق بويىنشا جانە حالىقارالىق ۇيىمدار اياسىندا وتكىزىلگەن حالىقارالىق ءىس-شارالار تۋرالى حابارلادى.
"سونىمەن قاتار كەزدەسۋ بارىسىندا قازاقستان پرەزيدەنتىنىڭ قاتىسۋىمەن الداعى ۋاقىتتا وتەتىن سىرتقى ساياسي ءىس-شارالار كەستەسى پىسىقتالىپ، وڭىرلىك كۇن تارتىبىندەگى ماسەلەلەرى تالقىلاندى.
كەزدەسۋ سوڭىندا مەملەكەت باسشىسى سىرتقى ىستەر مينيسترىنە ەلىمىزدىڭ ستراتەگيالىق ارىپتەستەرىمەن ەكىجاقتى ءىس-قيمىلداردى دامىتۋ بويىنشا ءبىرقاتار ناقتى تاپسىرما بەردى" دەلىنگەن حابارلامادا.
پىكىر قالدىرۋ