بۇگىن 7  جەلتوقساندا قازاقستاننىڭ بىرنەشە وبلىسىندا قار جاۋىپ، بوران سوعىپ، تۇمان تۇسەدى. بۇل تۋرالى قازگيدرومەت سايتى حابارلادى.

سايت مالىمەتىنشە، اتموسفەرالىق فرونتالدى بولىكتەردىڭ اسەرىنەن رەسپۋبليكانىڭ كەي جەرلەرىندە قار كۇتىلەدى. ەلدىڭ قيىر سولتۇستىگىندە، باتىسىندا جانە وڭتۇستىك-شىعىسىندا جاۋىن-شاشىنسىز اۋا رايى كۇتىلەدى. كەي جەرلەردە تۇمان تۇسەدى. وڭتۇستىك-شىعىستا جەل كۇشەيەدى.

"اقمولا، سولتۇستىك قازاقستان، پاۆلودار، قوستاناي، اقتوبە، شىعىس قازاقستان، باتىس قازاقستان، الماتى، جامبىل، تۇركىستان وبلىستارىنىڭ كەي جەرلەرىندە تۇمان تۇسەدى. الماتى وبلىسىنىڭ جالاڭاشكول اۋدانىندا جەلدىڭ كۇشەيۋى سەكۋندىنا 17-22 مەترگە دەيىن جەتۋى مۇمكىن. ماڭعىستاۋ وبلىسىنىڭ سولتۇستىگىندە 22 گرادۋسقا دەيىن قاتتى اياز بولادى" دەلىنگەن حابارلامادا.