«نۇرسۇلتان نازاربايەۆ: جاھاندىق اۋقىمداعى ساياساتكەر» اتتى حالىقارالىق ونلاين-كونفەرەنسيا بارىسىندا تۇركيانىڭ بۇرىڭعى پرەزيدەنتى ابدۋللا گۇل نۇرسۇلتان نازاربايەۆتىڭ قانداي قاسيەتتەرگە يە ەكەنىن ايتىپ بەردى.
ونىڭ ايتۋىنشا، تۇركيا ەلى قازاقستاننىڭ تاۋەلسىزدىگىن ءبىرىنشى بولىپ مويىنداعان مەملەكەت.
«وزدەرىڭىز بىلەسىزدەر، مەن تۇركيا ەلىن جەتى جىل باسقاردىم. پرەزيدەنت بولعان جەتى جىل ىشىندە مەن قۇرمەتتى نۇرسۇلتان نازاربايەۆ مىرزامەن جۇمىس ىستەۋگە مۇمكىندىك الدىم. سول كەزدە ونى جاقىنىراق تانىپ ءبىلدىم. حح عاسىردىڭ ماڭىزدى ساياسي وقيعالاردىڭ ءبىرى – كەڭەس وداعىنىڭ ىدىراۋى بولدى. قۇرمەتتى نازاربايەۆ مىرزا دامىعان قازىرگى قازاقستاننىڭ پرەزيدەنتى، قازاق حالقىنىڭ ۇلى كورەگەن كوشباسشىسىنا اينالا الدى. تۇڭعىش پرەزيدەنت رەتىندە ول تۇراقتى جانە سەنىمدى مەملەكەت قۇردى. ەل رەسۋرستارىن ءتيىمدى پايدالانا وتىرىپ، قازاقستاندى الەمگە ەكونوميكالىق جانە الەۋمەتتىك قۋاتتى مەملەكەت رەتىندە تانىتتى،– دەيدى تۇركيانىڭ ەكس-پرەزيدەنتى ابدوللا گۇل .
سونىمەن قاتار، ول ەلباسىنىڭ ءبىلىم مەن عىلىمعا ەرەكشە ءمان بەرگەنىن اتاپ ءوتتى.
«نازاربايەۆ سوڭعى شيرەك عاسىردا قازاقستان جاستارىنا وتاندىق جانە شەتەلدەگى ەڭ ۇزدىك جوعارى وقۋ ورىندارىندا ءبىلىم الۋىنا جاعداي جاسادى. ول مىقتى نارىقتىق جانە ەركىن ەكونوميكانى قالىپتاستىردى. قازاقستان ازيانىڭ جۇلدىزى جارقىراعان ەلى رەتىندە الەم نازارىن وزىنە اۋداردى. قازاقستان حالىقارالىق پلاتفورمادا دا ۇلكەن بەدەلگە يە. سونىمەن قاتار، كوپتەگەن باستامالارعا ۇيىتقى بولدى. نازاربايەۆ دۇنيەجۇزىلىك مەملەكەتتىك ينستيتۋتتارىنىڭ قولداۋىمەن ادالدىعىنا يە بولا تۇرا، حالقى ءۇشىن ۇلكەن كەمەڭگەرلىك پەن پاراساتتىلىق تانىتتى. ول پرەزيدەنتتىك قىزمەتىنەن ءوز قالاۋمەن باس تارتىپ، جانا بۋىنعا جولىن اشتى. بۇل – ساياسي تاريحتاعى سيرەك كەزدەسەتىن وقيعالارلىڭ ءبىرى»،– دەدى سپيكەر.
پىكىر قالدىرۋ