مەدەۋ اۋدانىندا 1 جەلتوقسان – تۇڭعىش پرەزيدەنت كۇنى قارساڭىندا ساياباق اشىلدى. مەندەەليەۆ كوشەسى بويىندا پايدا بولعان دەمالىس ورنىن حالىق اسىعا كۇتكەن
ويتكەنى بۇل اۋماق وسىعان دەيىن قاڭىراپ بوس جاتقان ەدى. جوبا "جۇمىسپەن قامتۋدىڭ جول كارتاسى اياسىندا" جۇزەگە استى. جالپى جوندەۋگە شامامەن 60 ميلليون تەڭگە قارجى جۇمسالدى. ال 35 ادام ۋاقىتشا ەڭبەكپەن قامتىلعان. ساياباقتا جارىقشامدار، بالالار ويىن الاڭىن جانە ۆوركاۋت اۋماعى جاسالىپتى.
«باس قوسقان جەرى، اڭگىمەلەسەتىن ورنى، مىنە، سالاۋاتتى ءومىر سالتى دەپ وسىنى ايتپايمىز با؟! باسقا ءبىر نارسەلەرمەن اينالىسپايدى. جات جەرلەرگە بارمايدى. مىنە، وسىنداي حالقىمىزدىڭ يگىلىگى ءۇشىن بەرىلىپ جاتقان ورىن»، – دەدى قازاقستان حالقى اسسامبلەياسىنىڭ مۇشەسى قازاقباي قاسىموۆ.
پىكىر قالدىرۋ