الماتى قالاسىنىڭ اكىمى باقىتجان ساعىنتايەۆتىڭ وكىمىمەن ناريمان تابىنبايەۆ قوعامدىق دەنساۋلىق ساقتاۋ باسقارماسىنىڭ باسشىسى قىزمەتىنە تاعايىندالدى.

ناريمان تابىنبايەۆ 1961 جىلى 23 اقپاندا دۇنيەگە كەلگەن. الماتى مەملەكەتتىك مەديسينا ينستيتۋتىن، قازاق ينجەنەرلىك-تەحنيكالىق اكادەمياسىن بىتىرگەن. پروفەسسور، مەديسينا عىلىمدارىنىڭ دوكتورى.

ەڭبەك جولىن 1985 جىلى قىزىلوردا وبلىسىنىڭ ورتالىق اۋداندىق اۋرۋحاناسىندا بالالار حيرۋرگى بولىپ باستاعان.

1988 جىلدان 1994 جىلعا دەيىن قىزىلوردا قالاسىنداعى وبلىستىق اۋرۋحانانىڭ ەندوسكوپيا ءبولىمىنىڭ مەڭگەرۋشىسى، اۋرۋحاناداعى دياگنوستيكالىق ورتالىق باس دارىگەرىنىڭ ورىنباسارى بولىپ جۇمىس ىستەدى.

1994-1997 جىلدارى – الماتى وبلىسىنىڭ ورتالىق اۋداندىق اۋرۋحاناسىندا باس دارىگەردىڭ ەمدەۋ ءىسى جونىندەگى ورىنباسارى.

1997-2002 جىلدارى ۋرولوگيا عىلىمي ورتالىعىندا عىلىمي قىزمەتكەر، اعا عىلىمي قىزمەتكەر، ءبولىم مەڭگەرۋشىسى، باس دارىگەر بولىپ جۇمىس ىستەدى.

2008-2014 جىلدار ارالىعىندا قىزىلوردا قالاسىنداعى وبلىستىق مەديسينالىق ورتالىقتىڭ ديرەكتورى، ۋرولوگيا عىلىمي ورتالىعىنىڭ ديرەكتورى قىزمەتتەرىن اتقاردى.

2014-2015 جىلدارى "ۇلتتىق مەديسينالىق حولدينگ" اق باسقارما ءتوراعاسىنىڭ ورىنباسارى.

2015 جىلدان باستاپ 2018 جىلعا دەيىن ۇلتتىق عىلىمي ونكولوگيا جانە ترانسپلانتولوگيا ورتالىعىنىڭ ديرەكتورى بولعان.

2019 جىلدان باستاپ 2020 جىلعا دەيىن Fox Chase Cancer Center (Philadelphia، USA)، University of Minnesota (Minneapolis، USA) تاعىلىمداماسىنان ءوتتى.

وسى قىزمەتكە تاعايىندالعانعا دەيىن الماتى قالالىق قوعامدىق دەنساۋلىق باسقارماسىنىڭ "قالالىق كلينيكالىق ورتالىق اۋرۋحاناسى" شجق مكك ديرەكتورى بولىپ كەلگەن.