دەپۋتات مايرا اراپ قىزى بالالار مەن جاسوسپىرىمدەر سپورتىن دامىتۋعا باسا نازار اۋدارۋ قاجەتتىگىن جانە دەنە شىنىقتىرۋ ءپانىنىڭ مۇعالىمدەرىنە قوسىمشا اقى ەنگىزىلەتىنىن ايتتى.
– بالالار مەن جاسوسپىرىمدەر سپورتىن دامىتۋ – باسا نازار اۋدارۋدى تالاپ ەتەدى. سەبەبى دەنساۋلىقتىڭ ىرگەتاسى جانە دەنە شىنىقتىرۋعا دەگەن كوزقاراس بالا كەزدەن باستاپ قالىپتاسادى. بالالاردىڭ سپورت سەكسيالارى مەن ۇيىرمەلەرىن جان باسىنا قارجىلاندىرۋ نەگىزىندە قولدانىستاعى زاڭناماعا مەملەكەتتىك، سپورتتىق جانە شىعارماشىلىق تاپسىرىستار تەتىگىن ەنگىزۋ كوزدەلەدى. بۇل رەتتە مەملەكەتتىك، سپورتتىق جانە شىعارماشىلىق تاپسىرىستاردى قالىپتاستىرۋ ادىستەمەسىن ازىرلەۋ قاجەت، – دەدى دەپۋتات.
ونىڭ ايتۋىنشا، دەنە شىنىقتىرۋ جانە سپورتپەن اينالىساتىن حالىقتىڭ نەعۇرلىم بەلسەندى ۇلەسى جالپى ءبىلىم بەرەتىن مەكتەپ وقۋشىلارى.
– سوندىقتان ىنتالاندىرۋ ماقساتىندا كەلەسى جىلدىڭ 1 قاڭتارىنان باستاپ دەنە شىنىقتىرۋ ءپانىنىڭ مۇعالىمدەرىنە ساباقتان تىس سپورت ساباقتارى ءۇشىن قوسىمشا اقى ەنگىزىلەدى، – دەپ اتاپ ءوتتى م. اراپ قىزى.
پىكىر قالدىرۋ