جامبىل اتىنداعى قازاق مەملەكەتتىك فيلارمونياسى 2020 جىلدىڭ 19-27 جەلتوقسان ارالىعىندا فيلارمونيانىڭ 85 جىلدىعىنا ارنالعان ءبىرىنشى قىسقى "PHILHARMONIC NEW YEAR FEST 2020" فەستيۆالىن وتكىزۋدى جوسپارلاپ وتىر.  بۇل تۋرالى  فيلارمونيانىڭ باسپا ءسوز قىزمەتى حابرلادى. 

اتالعان فەستيۆال اياسىندا فيلارمونيانىڭ سوليستەرى مەن ۇجىمدارىنىڭ قاتىسۋىمەن ءبىرقاتار دۋماندى ءىس-شارالار وتكىزىلەدى. 

فەستيۆالدىڭ نەگىزگى ماقساتى – الەمدىك كلاسسيكالىق مۋزىكانىڭ جانە ۇلى قازاق ونەرىنىڭ رۋحاني قاراشاڭىراعىنا اينالعان جامبىل اتىنداعى قازاق مەملەكەتتىك فيلارمونياسىنىڭ مەرەيتويىن اتاپ ءوتۋ جانە 85 جىل ىشىندە وسى ۇجىمدا ەڭبەك ەتكەن ۇلى ەسىمدەردى ۇلىقتاپ، مۋزىكا ونەرىنىڭ وزىق ۇلگىلەرىن ناسيحاتتاۋ. بۇل فەستيۆال جىل سايىنعى داستۇرگە اينالادى دەپ جوسپارلانۋدا.

جامبىل اتىنداعى قازاق مەملەكەتتىك فيلارمونياسى 1935 جىلدىڭ 14 قاڭتار كۇنى قۇرىلدى. تۇڭعىش ديرەكتورى جانە كوركەمدىك جەتەكشىسى بولىپ مۋزىكاتانۋشى، عالىم، كومپوزيتور، ديريجەر، قازاقستاننىڭ حالىق ءارتيسى، اكادەميك احمەت قۋان ۇلى جۇبانوۆ قىزمەت اتقاردى. سول كۇننەن بەرى 85 جىل كولەمىندە فيلارمونيا ەلىمىزدەگى ەڭ ءىرى مادەني ورتالىقتاردىڭ بىرەگەيى ءارى الماتى قالاسىنىڭ تاريحي ساۋلەتتى عيماراتىنا اينالدى.

ءقازىر جامبىل اتىنداعى قازاق مەملەكەتتىك فيلارمونياسىنىڭ قۇرامىندا بەلگىلى ۇجىمدار: نۇرعيسا تىلەندييەۆ اتىنداعى اكادەميالىق فولكلورلى-ەتنوگرافيالىق وركەسترى، ق ر مەملەكەتتىك اكادەميالىق سيمفونيالىق وركەسترى، ق ر مەملەكەتتىك ۇرمەلى اسپاپتار وركەسترى، باقىتجان بايقاداموۆ اتىنداعى مەملەكەتتىك حور كاپەللاسى، عازيزا جۇبانوۆا اتىنداعى مەملەكەتتىك ىشەكتى اسپاپتار كۆارتەتى، مەملەكەتتىك قاراعايلى ۇرمەلى اسپاپتار كۆينتەتى بار.

سونىمەن قاتار قازاقستاننىڭ حالىق ارتيستەرى مەن قايراتكەرلەرى جەكە ورىنداۋشىلار رەتىندە  قىزمەت ەتۋدە.

بايلانىس ءۇشىن: +77028098007

E-mail: fil.almaty@gmail.com