Halyk Bank كاسىپكەرلەر، شاعىن جانە ميكرو-بيزنەس ءۇشىن سمارتفونداردا كونتاكتىسىز تولەمدەردى قابىلداۋعا ارنالعان قولايلى شەشىم – Halyk Pos قوسىمشاسىن (SoftPos تەحنولوگياسىندا) ۇسىنادى.
جاناسۋسىز تولەمدەر تەحنولوگياسىنا نەگىزدەلگەن Halyk Pos قوسىمشاسى NFCء-مودۋلى بار Android بازاسىنداعى سمارتفوندى قوسالقى جابدىقسىز POS-تەرمينالعا اينالدىرۋعا جول اشادى. ول شاعىن ساۋدا-سەرۆيستىك كاسىپورىندار ءۇشىن ارنالعان جانە ولارعا كونتاكتىسىز تولەمدەردى سمارتفوننىڭ كومەگىمەن قابىلداۋعا مۇمكىن بەرەدى. شەشىم ساۋدا-سەرۆيستىك جەلىدە ەلەكتروندىق تولەمدەردى قابىلداۋ مۇمكىندىكتەرىن ايتارلىقتاي ۇلعايتىپ، ساۋدا نۇكتەسىنىڭ كليەنتتەر بازاسىن كوبەيتەدى جانە ەكۆايرينگ قىزمەتتەرىنە قوسىلۋ قۇنىن بارىنشا ازايتادى.
Halyk Bank ترانزاكسيالىق بيزنەسى دەپارتامەنتىنىڭ ديرەكتورى گۇلسىم دۋشاتوۆا قىزمەت ءتۇرى جىلدام، ىڭعايلى جانە ءقاۋىپسىز تولەم جۇرگىزۋ ءۇشىن تاپتىرماس قۇرال ەكەنىن ايتتى.
– Halyk Pos قوسىمشاسى قولما-قول تولەمدەر بويىنشا، مىسالى، ينكاسساسياعا شىعىنداردى قىسقارتۋعا جانە قولما-قول اقشاسىز تولەمدەردى بەلسەندى قابىلداۋعا مۇددەلى ميكرو جانە شاعىن بيزنەسكە ارنالعان. جاڭا شەشىم كونتاكتىسىز تولەمدەر قابىلداۋ جەلىسىن كەڭەيتۋ، كليەنتتەر بازاسىن ۇلعايتۋ جانە ەكۆايرينگ قىزمەتتەرىنە قوسىلۋعا شىعىنداردى تومەندەتۋ ارقىلى كاسىپكەرلەردىڭ بيزنەس-پروسەستەرىن وڭتايلاندىرۋعا مۇمكىندىك بەرەدى. بولشەك بيزنەستىڭ كليەنتتەرى دە، ءوز كەزەگىندە، كونتاكتىسىز تەحنولوگيالاردىڭ كومەگىمەن جىلدام، ىڭعايلى جانە ءقاۋىپسىز تولەم جۇرگىزۋ مۇمكىندىگىنە يە بولادى، – دەدى ول.
جاناسۋسىز تولەم تەحنولوگياسى ارقىلى تولەمدەر قابىلداۋعا قوسىلۋ ءۇشىن كاسىپكەر Halyk Pos قوسىمشاسىن جۇكتەپ، Halyk Bank-پەن ەكۆايرينگ شارتىن بەكىتۋى كەرەك. POS-تەرمينالدى تولىعىمەن الماستىرا الاتىن Halyk Pos قوسىمشاسىن ورناتىپ، كونتاكىسىز POS-تەرمينالدىڭ بارلىق فۋنكسيالارىنا قوسىمشا قۇرىلعىلارسىز قول جەتكىزۋگە بولادى.
نەگىزگى ارتىقشىلىقتارى
- POS-تەرمينالدىڭ ورنىنا سمارتفون جۇرەدى، قوسىمشا جابدىق ساتىپ الۋدىڭ قاجەتى جوق؛
- كونتاكتىسىز تولەمدەر قابىلداۋ 24/7 رەجيمىندە جۇمىس ىستەيدى؛
- كەز كەلگەن بانك كارتاسىمەن تولەۋ جانە سمارتفون ارقىلى تولەۋ؛
- وپەراسيالار تۋرالى ناقتىلانعان ەسەپتىلىك؛
- تولەمدەر قابىلداۋ بويىنشا زاڭنامانى ساقتاۋ؛
- بارلىق بانكتەردىڭ كليەنتتەرىن قوسۋ؛
فۋنكسيالارى:
- كەز كەلگەن بانكتىڭ كارتالارى بويىنشا (Visa، Mastercard جانە Union Pay) تولەمدەر قابىلداۋ؛
- Homebank Pay، Apple Pay، Samsung Pay جانە Garmin Pay ارقىلى سمارتفونمەن تولەمدەر قابىلداۋ؛
- تولەمدەردى بولدىرماۋ جانە كەرى قايتارۋ؛
- ەلەكتروندىق چەكتەردى جونەلتۋ؛
- وپەراسيالار بويىنشا ءتىزىمدى جانە ەرەكشەلىكتەرىن قاراۋ.
پىكىر قالدىرۋ