قازاقستاننىڭ سىرتقى ىستەر مينيسترلىگى رەسەيدىڭ مەملەكەتتىك دۋما دەپۋتاتى ۆياچەسلاۆ نيكونوۆ سەكىلدى دەڭگەيدەگى ادامنىڭ ويسىز ايتىلعان مالىمدەمەسىنە نازار اۋدارمايدى. بۇل تۋرالى كازتاگ اگەنتتىگىنە مينيسترلىكتەگى دەرەككوز ءمالىم ەتكەن.
– بۇل ("قازاقستان اۋماعى – رەسەي تاراپىنان جاسالعان سىي" دەۋ – رەد.) مالىمدەمە – سپيكەردىڭ (رەسەي دۋماسىنىڭ دەپۋتاتى جانە "بولشايا يگرا" باعدارلاماسىنىڭ جۇرگىزۋشىسى ۆياچەسلاۆ نيكونوۆ – رەد.) تومەنگى ءبىلىمى مەن تاربيەسىن كورسەتەتىن ويسىز ايتىلعان ءسوز، – دەگەن دەرەككوز.
ينسايدەر قازاقستاندىق ءسىرتىسمين مۇنداي مالىمدەمەلەر نازار اۋدارۋعا تۇرمايدى دەپ سانايتىنىن اتاپ وتكەن.
– نۇر-سۇلتان مەن ماسكەۋ اراسىندا كەرەمەت دوستىق قارىم-قاتىناس ورناعان ءارى بارلىق ماسەلە بويىنشا تۇسىنىستىك سالتانات قۇرعان، – دەگەن دەرەككوز اگەنتتىككە.
بۇعان دەيىن رەسەي دۋماسىنىڭ دەپۋتاتى جانە "بولشايا يگرا" باعدارلاماسىنىڭ جۇرگىزۋشىسى ۆياچەسلاۆ نيكونوۆ "پەرۆىي كانال" مەملەكەتتىك تەلەارناسىنىڭ ەفيرىندە "قازاقستان اۋماعى – رەسەي تاراپىنان جاسالعان سىي" دەپ مالىمدەگەن.
پىكىر قالدىرۋ