دەنساۋلىق ساقتاۋ مينيسترلىگى قازاقستاندا سوڭعى تاۋلىكتە تىركەلگەن كوروناۆيرۋس پەن پنيەۆمونيا ستاتيستيكاسىن جاريالادى. 

قازىرگى ۋاقىتتا كوروناۆيرۋس ينفەكسياسىنان 13 998 ادام ەم قابىلداۋدى جالعاستىرۋدا. ولاردىڭ اراسىندا 1 041 بالا بار. ستاسيونارلاردا 4 139 ناۋقاس جاتىر. 21 828 ادام امبۋلاتوريالىق جاعدايدا ەمدەلۋدە.

جالپى ناۋقاستاردىڭ اراسىندا 240 ادامنىڭ احۋالى ناشار. سونىڭ ىشىندە 35 ناۋقاستىڭ احۋالى اسا قاتتى اۋىر دەپ باعالانۋدا. 40 ناۋقاس وكپەنى جاساندى جەلدەتۋ اپپاراتىندا جاتىر.

سوڭعى تاۋلىكتە كوروناۆيرۋس ينفەكسياسىن 747 ادام جۇقتىرعان، 7 ناۋقاس قايتىس بولعان. 17 ادامنان پنيەۆمونيا انىقتالعان.

2020 جىلدىڭ 13 ناۋرىزىنان وسى كۇنگە دەيىن كوروناۆيرۋس ينفەكسياسىمەن 142 325 ادام اۋىرىپ، 2145 ناۋقاس قايتىس بولعان.

وسى جىلدىڭ 1 تامىزىنان باستاپ 43 952 ادام پنيەۆمونيا جۇقتىرعان، سونىڭ ىشىندە 464 ادام قازا تاپقان.