"جۇڭگو اۆستراليانى جازالاعانداي ەش ويلانباستان ۇلىبريتانيانى دا جازالايدى" دەپ حابارلادى دەيلي مەيل، The Independent سياقتى باسىلىمدار. بريتانيالىق باق-تاردىڭ جازۋىنشا، برەكسيتتىڭ بەيجىڭمەن ەركىن ساۋدا كەلىسىمى اۋىر زارداپقا سوقتىرۋى مۇمكىن.
"جۇڭگو اۆسترالياعا جاساعانىن ۇلىبريتانياعا جاساۋدان تارتىنبايدى" دەدى ۇلىبريتانيانىڭ جەتەكشى اكادەميگى، SOAS ۋنيۆەرسيتەتىنىڭ قىتايتانۋ ينستيتۋتىنىڭ پروفەسسورى ستيۆ سانگ.
اۆستراليا 2015 جىلى قىتايمەن ەركىن ساۋدا تۋرالى كەلىسىمگە قول قويدى. وسى ۋاقىتتان باستاپ ەل ەكونوميكالىق تۇرعىدان بەيجىڭگە تاۋەلدى بولا باستادى، ويتكەنى اۆستراليا ەكسپورتىنىڭ شامامەن ۇشتەن ەكىسى قىتايعا جىبەرىلەدى. اۆستراليا جۇڭگو ەكسپورتتىنا تاۋەلدى ەكەنىن جانە ءوزىنىڭ ەگەمەندىگىنە ءقاۋىپ توندىرەتىن جاعدايدى پاندەميا كەزىندە ءبىلدى. ۋحانداعى كوروناۆيرۋس ىندەتىنە قاتىستى بەيجىڭنىڭ العاشقى جاۋابىنا كۇمان كەلتىرگەن كەزدە، اۆستراليا وزىنە تىقىر تاياعانىن سەزدى.
COVID-19 تۋرالى قىتايلىق اقپاراتتارعا كۇمان كەلتىرگەنى ءۇشىن جانە گونكونگتاعى دەموكراتيانى قولداعانى ءۇشىن دە كانبەررا تاريفتەر ارقىلى جازالاندى.
برەكسيتتەن كەيىنگى ۇلىبريتانيا مەن جۇڭگو اراسىنداعى ەركىن ساۋدا تۋرالى كەلىسىم ۇلىبريتانيانىڭ ەكسپورتتىق ەكونوميكاسى ءۇشىن قارجىلىق تىرەك بولا الادى، ءبىراق بريتانيالىق ساراپشىلار مۇنداي كەلىسىمنىڭ اۆستراليانىڭ تاجىريبەسىندەگىدەي سالدارعا اكەپ سوقتىراتىنىن ايتادى.
پىكىر قالدىرۋ