Ranking.kz سايتى 2020 جىلى قازاقستان بانكتەرى دەپوزيت پورتفەلىنىڭ قالاي وزگەرگەنىنە جاساعان شولۋدى جاريالادى. سايت دەرەگىنشە، كوروناۆيرۋس پاندەمياسى كەزىندە ەكىنشى دەڭگەيلى بانكتەر كليەنتىنىڭ سالىمىن كوبەيە تۇسكەن. جىل باسىنان بەرى بانك سەكتورىنداعى دەپوزيت بازاسى 2،96 ترييليون تەڭگەگە ارتىپ، 20،94 تريلليونعا جەتكەن. ونىڭ 2،36 تريلليون تەڭگەسى ەلدەگى ەڭ ءىرى ون بانككە تيەسىلى. دەپوزيت كولەمى بويىنشا ءبىرىنشى ورىندا Halyk Bank تۇر.

جىل باسىنان بەرى بانكتەگى دەپوزيت جيناقتارى 633،6 ميلليارد تەڭگەگە ارتىپ، 7،1 تريلليون تەڭگەگە جەتكەن. دەپوزيتتىڭ جىل بويعى ارتۋ كورسەتكىشىندەگى Halyk Bank ۇلەسى 21،4%-دى قۇرايدى. ال سالىمشىلار وسىمىندەگى بانك ۇلەسى 26،9%-عا تەڭ.

زاڭدى تۇلعالار سالىمى جونىنەن دە Halyk Bank الدىڭعى ورىندا. بيىل بانكتەگى زاڭدى تۇلعالار دەپوزيتىنىڭ كولەمى 310،6 ميلليارد تەڭگەگە ارتىپ، 3،57 تريلليون تەڭگەگە جەتتى.

جەكە تۇلعالاردىڭ سالىمى بويىنشا Kaspi Bank (+357،8 ملرد تگ.، 1،88 ترلن تەڭگەگە دەيىن وسكەن)، Halyk Bank (+323 ملرد تگ.، 3،49 ترلن تەڭگەگە دەيىن وسكەن) جانە تۇرعىن ءۇي قۇرىلىس جيناق بانكى (+121،1 ملرد تگ، تەڭگەگە دەيىن وسكەن) العاشقى ۇشتىكتە.

جىل باسىنان بەرى ەكىنشى دەڭگەيلى بانكتەردەگى كورپوراتيۆ سالىمى 1،8 تريلليون تەڭگەگە، ال جەكە سالىمدار 1،16 تريلليون تەڭگەگە ارتقان. نارىقتاعى ءىرى بانك Halyk Bank ەكى سالىم ءتۇرىنىڭ ارتۋى جونىنەن كوش باستاپ تۇر.

بانك مۇنىڭ سەبەبىن تومەندەگى فاكتورلارمەن بايلانىستىرادى:

• بانك حالىققا ءتۇرلى ىڭعايلى شارتتارى بار دەپوزيتتەر ۇسىنادى؛
• شاعىن جانە ورتا بيزنەستى قوسا العاندا بيزنەس ءۇشىن مەرزىمدى جانە شارتتى سالىمدار قاراستىرىلعان؛
• اعىمداعى شوتتار مەن جالاقى جوبالارىن جۇرگىزۋ ءۇشىن قولايلى جاعداي بەرەدى.

بانكتىڭ مۇنداي تۇراقتى ءوسۋىن Fitch Ratings (BB+)، Moody’s Investors Service (Ba1)، Standard and Poor’s (BB) سياقتى الەمدەگى جەتەكشى رەيتينگ اگەنتتىكتەرىنىڭ جوعارى سەنىمدىلىك رەيتينگىسىنەن دە كورۋگە بولادى.

وعان قوسا، Halyk Bankء-تىڭ اكتيۆ تابىستىلىعى بانك سەكتورىنداعى ورتاشا كورسەتكىشتەن جوعارى. ەلدەگى ەكىنشى دەڭگەيلى بانكتەردىڭ قاڭتار-قازان ارالىعىنداعى اكتيۆ تابىستىلىعى 2،2% بولسا، Halyk Bank-تىكى – 2،6%. كاپيتال كورسەتكىشى دە جوعارى، ونىڭ نارىقتاعى ورتاشا كورسەتكىشى 17،8% بولسا، بۇل بانكتە 19،3%-عا جەتكەن.