«Nur Otan» پارتياسى اتىنان سايلاۋ ناۋقانىنا ءتۇسىپ جاتقان ۇمىتكەرلەردىڭ ۇگىت-ناسيحات جۇمىستارى جالعاسۋدا. بۇگىن وبلىستىق ءماسليحاتتىڭ دەپۋتاتتىعىنا كانديداتتار بۇقارامەن كەزدەستى.

اتاپ ايتساق، ۇمىتكەرلەر  مارات  سمايلوۆ پەن دۇيسەن  بىقىبايەۆ ت.رىسقۇلوۆ اۋدانى ورنەك اۋىلىندا بولىپ، كانۆاسسينگ فورماتىندا  قارا حالىقتىڭ وتىنىش-تىلەگىنە قۇلاق ءتۇردى. سونداي-اق  كانديداتتار كەزدەسۋلەر بارىسىندا «Nur Otan» پارتياسىنىڭ سايلاۋالدى باعدارلاماسىن تانىستىرىپ، ونىڭ باسىم باعىتتارىن جان-جاقتى ءتۇسىندىردى.

پارتيانىڭ ىقپالىمەن الداعى 5 جىلدا 125،8 مىڭ تۇرعىنى بار 119 ەلدى مەكەندى ساپالى اۋىزسۋمەن قامتۋ جوسپارلانۋدا. سونداي-اق  128 مىڭ ادام تۇراتىن 107 اۋىلعا گاز قۇبىرى جۇرگىزىلمەك. بۇل ماقساتقا قول جەتكىزۋ ءۇشىن  85 اۋىلدا جالپى ۇزىندىعى 862 شاقىرىم بولاتىن سۋ قۇبىرى  تارتىلادى.

ال 2025 جىلعا قاراي وڭىردەگى  اۋىل شارۋاشىلىعى داقىلدارى ەگىلەتىن  القاپتىڭ كولەمى  25 مىڭ گەكتارعا ارتىپ، مال باسى 110 مىڭعا جانە قۇستىڭ سانى 102 مىڭعا  دەيىن جەتەدى دەپ كۇتىلۋدە. بۇدان بولەك اۋىل شارۋاشىلىعى ونىمدەرىن ەكسپورتتاۋ نارىعى كەڭەيەدى.

اۋىلداعى شاعىن جانە ورتا بيزنەسكە جاسالعان قولداۋ ەسەبىنەن ەلدى  مەكەندەردەگى كاسىپكەرلەر  225-گە كوبەيىپ، ءوندىرىس كولەمى 807 ميلليون 200 مىڭ تەڭگەگە ارتادى.

قازىرگى تاڭدا اۋىلداعى ءاربىر اۋلاداعى تابىس كولەمى 104 مىڭ تەڭگە بولسا،  2025 جىلعا قاراي بۇل سوما  209،1 مىڭ تەڭگەنى قۇرايدى، - دەگەن كانديدات مارات  سمايلوۆ «Nur Otan» پارتياسىنىڭ سايلاۋالدى باعدارلاماسىنىڭ ءاربىر باعىتى الەۋمەتتىڭ الەۋەتىن ارتتىرۋعا باعىتتالعانىن  ايتتى. 

ءوز كەزەگىندە ءسوز العان تۇرعىندار  كوكەيلەرىندە جۇرگەن سۇراقتارىن قويىپ، تۇششىمدى جاۋاپتار الدى.

"Nur Otan" پارتياسى جامبىل وبلىسىنىڭ سايلاۋ قورىنىڭ قاراجاتىنان تولەندى