امەريكا رەسەيلىك س-400 زەنيتتىك زىمىران كەشەنىن ساتىپ العانى ءۇشىن تۇركياعا سانكسيا سالادى، دەپ حابارلادى ريا نوۆوستي سايتى.
اقش مەملەكەتتىك حاتشىسى مايك پومپەو انكارانىڭ رەسەيلىك "روسوبورونەكسپورتپەن" "س-400 زىمىران-زەنيتتىك كەشەندەرىن ساتىپ الۋ جونىندەگى" ىنتىماقتاستىعى ءۇشىن تۇركياعا سانكسيا ەنگىزىلىپ جاتقانىن ايتتى.
"تۇركيا اقش ءۇشىن ايماقتىق قاۋىپسىزدىكتىڭ باعالى جانە ماڭىزدى سەرىكتەسى جانە ءبىز تۇركيانىڭ قولىنداعى س-400 تۇرىندەگى كەدەرگىنى مۇمكىندىگىنشە تەزىرەك الىپ تاستاپ، قورعانىس سالاسىنداعى ءونىمدى ىنتىماقتاستىقتىڭ ۇزاق جىلدىق تاريحىن جالعاستىرعىمىز كەلەدى" دەلىنگەن شەنەۋنىكتىڭ جازباشا مالىمدەمەسىندە.
تۇركيانىڭ سىرتقى ىستەر مينيسترلىگى حابارلاعانداي، اقش جاريالاعان ءبىرجاقتى سانكسيا قابىلدانباعان.
"تۇركيا ناتو-نىڭ قاتىسۋىمەن تەحنيكالىق جۇمىس توبىن قۇرۋدى جانە بىرنەشە رەت بۇل ماسەلەنى وبەكتيۆتى جانە ناقتى نەگىزدە، ساياسي كوزقاراستاردان تىس شەشۋدى ۇسىنادى. ءبىز اقش-تى وسى ادىلەتسىز سانكسيالىق شەشىمدى قايتا قاراۋعا شاقىرامىز" دەلىنگەن قۇجاتتا.
پىكىر قالدىرۋ