«Nur Otan» پارتياسىنىڭ سايلاۋالدى باعدارلاماسىن ءتۇسىندىرۋ ماقساتىندا قىزىلوردا وبلىستىق جانە قالالىق ءماسليحاتىنىڭ  دەپۋتاتتىعىنا  كانديداتتار تەمىرجولشىلارمەن كەزدەستى.

كەزدەسۋگە وبلىستىق ءماسليحات دەپۋتاتىعىنا ۇمىتكەر نۋريددين ءاميتوۆ، قالالىق ءماسليحات دەپۋتاتىعىنا  ۇمىتكەرلەر يبراكيم باسىقارايەۆ، ايگۇل مۇسابايەۆا، انار ىزدەن  سايلاۋالدى باعدارلامادا ءوز سالالارىنا قاتىستى كورسەتىلگەن ماسەلەلەردى ءتۇسىندىرىپ، ونىڭ ناقتىلانعان شەشىم جولدارىن ايتىپ ءوتتى.

ماسەلەن، وبلىس تۇرعىندارىنىڭ ءومىر ءسۇرۋ جاعدايلارىن  ارتىرۋدا دەنساۋلىق ساقتاۋ سالاسى بويىنشا نۋريددين ءاميتوۆ  اتقارىلاتىن جوسپارلار  مەن جۇمىستارىن تانىستىردى. وندا نىسانداردىڭ قۇرىلىسىن اياقتاۋ، مەديسينالىق ۇيىمداردى جوعارى تەحنولوگيالىق قۇرالدارمەن جابدىقتاۋ، مەد كادرلاردىڭ جەتىسپەۋشىلىگىن تومەندەتپەۋ  جايىندا  ويلارىمەن بولىسسە، ءبىلىم ساپاسىن جاقسارتۋدا  جاڭا مەكتەپتەردىڭ قۇرىلىسىن اياقتاۋ، مەكتەپتى كەڭەيتۋ، ءبىلىم بەرۋ وبەكتىسىندە كۇردەلى جوندەۋدەن وتكىزۋ سەكىلدى ويلارىن ورتاعا سالدى. الەۋمەتتىك ماسەلەلەر بويىنشا انار ىزدەن ەرەكشە قاجەتتىلىكتەرى  بار ادامدار ءۇشىن كەدەرگىسىز ورتا قۇرۋدا  بالالاردى يسكليۋزيتۆتى  بىلىممەن قامتۋدى ارتتىرۋ، رەسۋرستىق ينكليۋزيۆتى  ورتالىقتاردى اشۋدا ويىن ورتاعا سالىپ،وندا  جاسالاتىن تەڭ مۇمكىندىكتەردى سارالادى.

يبراكيم باسىقارايەۆ تەمىرجول سالاسى بويىنشا تەمىرجول قۇرىلىسى جايىندا ناقتى ساندارمەن ويىن جەتكىزدى. ول پارتيا باعدارلاماسىندا الداعى ۋاقىتتا 800 شاقىرىم جول قايتا جاڭارتۋ، ترانزيتتىك  جۇك تاسىمالىنىڭ جىلدامدىعىن تاۋلىگىنە  850 شاقىرىمنان -1200 شاقىرىمعا  ارتتىرۋ، وزبەكستان مەن ەكى ورتاعا جاڭا تەمىرجول وتكەلىن سالۋ، جۇڭگو مەن اراداعى وتكەل كەڭەيتىلىپ، ترانزيتتىك ءدالىزدىڭ مۇمكىندىگى 2،5 ەسە ارتتىرۋدى كوزدەپ وتىرعاندىعىن جەتكىزدى. پارتيانىڭ ۇسىنعان ناقتى ءىس-قيمىل جوسپارىن ءتۇسىندىرۋ بارىسىندا  تەمىرجول قاۋىمى ۇمىتكەرلەردىڭ سىر ءوڭىرىنىڭ ءوسۋى مەن دامۋىنا ۇلەس قوسام دەگەن نيەتتەرىن قولداپ، داۋىس بەرۋگە دايىن ەكەندىگىن جەتكىزدى.

«Nur Otan» پارتياسى قىزىلوردا وبلىسىنىڭ سايلاۋ قورىنىڭ قاراجاتىنان تولەندى