"امەريكا قۇراما شتاتتارى ونداعان قىتايلىق كومپانيانى، ونىڭ ىشىندە بەيجىڭنىڭ ەڭ ءىرى چيپ ءوندىرۋشىسى SMICء-تى قارا تىزىمىنە قوسپاق" دەپ حابارلادى بەيسەنبىدە Reuters-كە وسى ماسەلەمەن تانىس ەكى ادام.
بۇل قادام پرەزيدەنت دونالد ترامپتىڭ قىتايمەن ساۋدا سوعىسىنىڭ سوڭعى ارەكەتى رەتىندە قاراستىرىلدى.
اقش ساۋدا دەپارتامەنتى 80-گە جۋىق كومپانيا مەن ەنشىلەس ۇيىمدى قارا تىزىمگە قوسادى دەپ كۇتىلۋدە. ولاردىڭ بارلىعى دەرلىك قىتايلىق فيرمالار.
قىتايدىڭ سىرتقى ىستەر مينيسترلىگى مۇنى اقش-تىڭ جۇڭگو كومپانيالارىنا قىسىم كورسەتكەنىنىڭ دالەلى دەپ ايىپتادى جانە بەيجىڭ ولاردىڭ قۇقىقتارىن قورعاۋ ءۇشىن "قاجەتتى شارالاردى" جالعاستىرا بەرەتىنىن ايتتى.
– ءبىز اقش-تى شەتەلدىك كومپانيالارعا نەگىزسىز قىسىم جاساۋدى توقتاتۋعا شاقىرامىز، – دەدى مينيسترلىك وكىلى ۆان ۆەنبين جۇما كۇنى بەيجىڭدە وتكەن كەزەكتى باسپا ءسوز كونفەرەنسياسىندا.
پىكىر قالدىرۋ