قازاقستاننىڭ تۇڭعىش پرەزيدەنتى نۇرسۇلتان نازاربايەۆ گەنناديي گولوۆكيندى پولشالىق كاميل شەرەمەتانى جەڭىپ، IBF جانە IBO تۇجىرىمدارى بويىنشا ورتا سالماقتاعى الەم چەمپيونى اتاعىن قورعاپ قالۋىمەن قۇتتىقتادى. بۇل تۋرالى elbasy.kz سايتى حابارلادى.
– وسى جەڭىس ارقىلى سەن ءوز ديۆيزيونىڭدا 21ء-شى رەت الەم چەمپيونى اتانىپ، قازاقستاندىق جانە الەمدىك بوكس تاريحى جىلناماسىنىڭ جاڭا پاراعىن اشتىڭ. بۇل بارشا قازاقستاندىقتار ءۇشىن تاۋەلسىزدىك كۇنىنە وراي تاماشا سىي بولدى دەپ ويلايمىن.
ءبىز سەنىڭ سپورتتاعى جارقىن جەتىستىكتەرىڭدى، مىقتى رۋحىڭدى جانە جەڭىسكە دەگەن جىگەرىڭدى ماقتان ەتەمىز. سەنىڭ جەڭىمپاز رەتىندە ءوز جولىڭدى جالعاستىراتىنىڭا سەنىمدىمىن جانە سەنىڭ جەتىستىكتەرىڭە ءالى تالاي سۇيسىنەتىن بولامىز، – دەدى نازاربايەۆ.
پىكىر قالدىرۋ