بۇل جايىندا بۇگىن «Nur Otan» پارتياسى اتىنان قىزىلوردا وبلىستىق ءماسليحات دەپۋتاتتىعىنا ۇمىتكەر شاۋتاي تىلەۋبەرگەن "Nur Otan" پارتياسىنىڭ سايلاۋالدى باعدارلاماسىن ءتۇسىندىرۋ ماقساتىندا اۋداننىڭ ءبىلىم سالاسى وكىلدەرىمەن وتكەن كەزدەسۋدە ايتتى.

شيەلى اۋدانىنىڭ مادەنيەت ۇيىندە وتكەن بۇل جۇزدەسۋگە شيەلى اۋداندىق ءماسليحات دەپۋتاتتاعىنا ۇمىتكەرلەر پاتيما ماحانبەت، ناسىربەك مىرزابەكوۆ، سەرىك مۇلىكوۆ، باكىر بەكجان جانە عالىمجان التايەۆ تا قاتىستى. باسقوسۋدا الداعى بەس جىلدا كوزدەلگەن نەگىزگى مىندەتتەر جوعارى جانە ءبىرىنشى ساناتتاعى وقىتۋشىلار قۇرامى ۇلەسىن كوتەرۋ، اۋىلدىق ەلدى مەكەندەردەگى كادر تاپشىلىعىن جويۋ، اۋدانداعى 4 نەگىزگى مەكتەپتى كەزەڭ-كەزەڭىمەن جاڭا موديفيكاسيالى كابينەتتەرمەن جابدىقتاۋ، ءبىلىم بەرۋ وبەكتىلەرىنىڭ ماتەريالدىق-تەحنيكالىق بازاسىن نىعايتۋ، از قامتىلعان جانە كوپ بالالى وتباسىلاردىڭ بالالارىنا الەۋمەتتىك كومەك كورسەتۋ، پەداگوگتاردى كيبەرپەداگوگيكا نەگىزدەرى جانە قاشىقتان وقىتۋ فورماتىنىڭ ادىستەمەسى بويىنشا وقىتۋ ماسەلەلەرى ءسوز بولدى.

«Nur Otan» پارتياسى ەلىمىزدىڭ جەتەكشى ساياسي كۇشى رەتىندە حالقىمىزدىڭ بىرلىگىنە، ەلىمىزدىڭ گۇلدەنۋىنە جانە ءاربىر قازاقستاندىقتىڭ يگىلىگىنە جۇمىس جاساۋدى جالعاستىرادى. ءبىزدىڭ الدىمىزعا ەلدىڭ سەنىمىن اقتاۋ مىندەتى تۇر. وبلىستىڭ ءاربىر تۇرعىنىنىڭ جايلى ءومىر ءسۇرۋى، دامۋى ءۇشىن بارلىق مۇمكىندىكتەردى جاسايمىز. وڭىرىمىزدەگى پارتيانىڭ ءاربىر باستاماسىنا كۋا بولىپ كەلە جاتقان سىزدەردى ونداعى مىندەتتەردى بىرلەسىپ جۇزەگە اسىرۋعا «Nur Otan» پارتياسىن قولداپ داۋىس بەرۋگە شاقىرامىن، – دەدى ۇمىتكەر شاۋتاي تىلەۋبەرگەن كەزدەسۋ بارىسىندا.

ايتا كەتەيىك، 2025 جىلعا قاراي جوعارعى جانە ورتا ءبىلىم بەرۋ ۇيىمدارىنا تۇسكەن مەكتەپ بىتىرۋشىلەردىڭ ۇلەسى مەن ينكليۋزيۆتى ءبىلىم بەرۋگە جاعداي جاساپ وتىرعان مەكتەپتەر سانىن ارتتىرۋ جوسپارلانۋدا. ۇمىتكەرلەر وسىنداي ەمەن-جارقىن كەزدەسۋ، ەركىن اڭگىمەدەن سوڭ، ۇگىت-ناسيحات پاراقتارىن تاراتتى.

«Nur Otan» پارتياسى قىزىلوردا وبلىسىنىڭ سايلاۋ قورىنىڭ قاراجاتىنان تولەندى