قىزىلوردا وبلىسى شيەلى اۋدانىندا «Nur Otan» پارتياسى اتىنان وبلىستىق جانە اۋداندىق ءماسليحات دەپۋتاتتىعىنا ۇمىتكەرلەر تىلەۋبەرگەن شاۋتاي، پاتيما ماحانبەت، ناسىربەك مىرزابەكوۆ، سەرىك مۇلىكوۆتىڭ قاتىسۋىمەن "كۇرىش اقتاۋ" زاۋىتىندا ەڭبەك ۇجىمىممەن ەكسپرومت-كەزدەسۋ ءوتتى.

كەزدەسۋ بارىسىندا ۇمىتكەرلەر سايلاۋالدى باعدارلامانىڭ باسىم باعىتتارىمەن تانىستىردى.

«اۋىل شارۋاشىلىعى، شاعىن جانە ورتا بيزنەس سالالارىندا بارلىعى 121 جوبانى جۇزەگە اسىرۋ جوسپارلاندى. بەس جىل ىشىندە اسىل تۇقىمدى ءمۇيىزدى ءىرى قارا مال سانىن 1340-قا، ۋاق مالدىڭ سانىن 25 134 باسقا دەيىن ارتتىرۋعا، شيەلى كەنتىندە ءسۇت باعىتىنداعى 1 200 باس ءىرى قارا فەرماسىن، جۇگەرى وڭدەۋ سەحىن اشۋدى جوسپارلاپ وتىر. سونىمەن قاتار، 3 مىڭ گەكتارعا سۋارمالى جەرلەردىڭ كولەمىن ارتتىرۋعا، ش.قودامانوۆ اۋىلىندا 1 000 باستىق بورداقىلاۋ الاڭىن سالۋعا، اۋدان تۇرعىندارىنىڭ جەكە مالدارى ءۇشىن جايىلىمدىق ماسەلەسىن شەشۋ جولدارىن قاراستىرۋعا، اۋدان ورتالىعىندا 2 الەۋمەتتىك دۇكەن اشۋعا ىقپال ەتەدى»، - دەدى وبلىستىق ءماسليحات دەپۋتاتتىعىنا ۇمىتكەر تىلەۋبەرگەن شاۋتاي.

«ەلىمىزدە سايلاۋ وتەتىنىنەن حاباردارمىز. «Nur Otan» پارتياسى جەتەكشى پارتيا رەتىندە ءتۇرلى جوبالاردى جەمىستى جۇزەگە اسىرىپ كەلەدى. تۇيتكىلدى ماسەلەلەر دە پارتيانىڭ ءجىتى باقىلاۋىندا. ءبىزدىڭ ۇجىم اۋداننىڭ ەكونوميكاسىنا ءوز ۇلەسىن قوسىپ كەلەدى. ەڭبەكتىڭ – نانى ءتاتتى» دەگەن جۇمىسشىلار ۋاقىتىلى جالاقىسىن الىپ وتىر. اۋداننىڭ دامۋىنا ۇلەس قوسىپ جاتقاندارىن سەزىنەدى. پارتيانىڭ باعدارلاماسىمەن تانىسپىز. قولداۋ بىلدىرەمىز»، - دەدى ۇجىمنىڭ اتىنان ءسوز العان مارات شوحانوۆ.

ۇمىتكەرلەر قاتىسۋشىلاردىڭ سۇراقتارىنا جاۋاپ بەرىپ، 10 قاڭتاردا وتەتىن سايلاۋعا شاقىردى جانە «Nur Otan» پارتياسىنا داۋىس بەرۋگە ۇگىتتەدى.

«Nur Otan» پارتياسى قىزىلوردا وبلىسى سايلاۋ قورىنىڭ قاراجاتىنان تولەندى