«Nur Otan»-نىڭ رەسپۋبليكالىق سايلاۋالدى شتابى الماتىعا كەلدى. بيلەۋشى پارتيا وكىلدەرى قوعام بەلسەندىلەرىمەن، ساياساتتانۋشىلارمەن، ساراپشىلارمەن، شاعىن جانە ورتا بيزنەس پەن زيالى قاۋىم وكىلدەرىمەن، سونداي-اق جاس ستارتاپشىلارمەن، ءىت ماماندارمەن، بلوگەرلەرمەن جانە ۆاينەرلەرمەن ءبىرقاتار كەزدەسۋلەر وتكىزدى.

سونىمەن، الماتى قالاسىنىڭ ساراپشىلار قاۋىمىمەن كەزدەسۋدە ازاماتتار مەن مەملەكەتتىڭ اراسىنداعى كەرى بايلانىستى جولعا قويۋدا ازاماتتىق سەكتوردىڭ قاتىسۋى مەن ءرولىن ودان ءارى كەڭەيتۋ ماسەلەلەرى تالقىلاندى.

«Nur Otan» پارتياسى ەلباسىنىڭ 5 ينستيتۋسيونالدى رەفورماسى مەن پرەزيدەنت ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا بارلىق جەردە ازاماتتىق باقىلاۋدى ەنگىزۋگە، ەڭ الدىمەن مۇنىڭ بيۋدجەتتىڭ جۇمسالۋى بويىنشا قولدانىلۋىنا ىقپال ەتەدى. ءبىز قوعامدىق ساراپتاما مەن ونلاين-پەتيسياعا زاڭدى مارتەبە بەرەمىز، زاڭنامالىق دەڭگەيدە اۋىل اكىمدەرىنىڭ تىكەلەي سايلانۋىن ەنگىزىپ، بارلىق دەڭگەيدەگى اكىمدەردىڭ حالىق الدىندا ەسەپ بەرۋگە مىندەتتىلىگىن قامتاماسىز ەتەمىز»، - دەدى رەسپۋبليكالىق سايلاۋالدى شتاب جەتەكشىسى باۋىرجان بايبەك.

سونىمەن قاتار، ونىڭ ايتۋىنشا، «Nur Otan» پارتياسى ازاماتتار ساۋالدارىنىڭ ءبىرىڭعاي ەلەكتروندى جۇيەسىن جاساۋدى، بارلىق وڭىردە حالىق قاتىساتىن بيۋدجەتتى ەندىرۋدى، كۆازي مەملەكەتتىك سەكتوردا قوعامدىق كەڭەستەردىڭ قۇرىلۋىن قامتاماسىز ەتۋدى جانە تاعى باسقالاردى جوسپارلاپ وتىر.

مەملەكەتتىك ورگانداردىڭ تيىمدىلىگى مەن ەسەپ بەرۋشىلىگىن ارتتىرۋ ءۇشىن «Nur Otan» پارتياسى شەنەۋنىكتەردىڭ جالاقىسىن ازاماتتاردىڭ ال-اۋقاتىمەن بايلانىستىرا قاراۋدى ۇسىنادى. بۇل ورايدا وڭىرلەردىڭ جەرگىلىكتى ماسەلەلەردى شەشۋدە دەربەستىگى ارتاتىن بولادى.

تاياۋ 5 جىلداعى جۇمىستىڭ نەگىزگى باعىتتارىنىڭ ءبىرى شاعىن جانە ورتا بيزنەس وكىلدەرىن قولداۋ بولماق.

«Nur Otan» پارتياسى سالىقتاردىڭ سانىن قىسقارتىپ، ولاردى ەسەپتەۋ ءتارتىبىن وڭتايلاندىرۋعا، الەۋمەتتىك ماڭىزدى تاۋارلاردى وندىرۋشىلەر ءۇشىن ققس-ىن تومەندەتۋگە، ەكونوميكانىڭ ناقتى سەكتورلارىن نەسيەلەندىرۋدى كەڭەيتۋ ءۇشىن جاعداي جاساۋعا قول جەتكىزەدى. سالىقتىق مىندەتتەمەلەردىڭ ورىندالۋىنا قاشىقتان مونيتورينگ جاساۋ ەنگىزىلمەك.

بيزنەستى سانكسيالانباعان تەكسەرۋلەردەن قورعاۋ ءۇشىن بيزنەستى سالىقتىق زاڭ بۇزۋشىلىقتارى ءۇشىن قىلمىستىق جاۋاپكەرشىلىككە تارتۋ شەگىن قايتا قاراۋ جوسپارلانۋدا. سوت پەن پروكۋروردىڭ سانكسياسىنسىز كاسىپكەرلەرگە قاتىستى تەرگەۋ ارەكەتتەرىنە تىيىم سالىنادى. ازاماتتاردىڭ دەنساۋلىعى مەن ەكولوگيانى قورعاۋ تالاپتارىنا ساي كەلمەيتىن بارلىق نورماتيۆتىك-رەتتەۋ قۇجاتتارى الىنىپ تاستالادى.

«قولايلى ەكونوميكالىق جاعداي جاساۋ ءۇشىن مەملەكەتتىڭ ەكونوميكاداعى ۇلەسىن ازايتۋ، بيزنەس ءۇشىن كەدەرگىلەردى جويۋ جوسپارلانىپ جاتىر. ءبىز بارلىق ءتيىمسىز باعدارلامالاردان باس تارتىپ، بوساعان قاراجاتتى ماڭىزى باسىم قوعامدىق مىندەتتەردى شەشۋگە باعىتتايمىز. ناقتى ىستەر پارتياسى – «Nur Otan»-عا داۋىس بەرىڭىزدەر!»،- دەپ باسا ايتىپ ءوتتى باۋىرجان بايبەك.

«Nur Otan» پارتياسى جاس ستارتاپشىلاردى قولداۋ ماقساتىندا دەرەكتەردى وڭدەۋ مەن ساقتاۋ سالاسىنا ينۆەستيسيالاردى 6 ەسەگە، ياعني 500 ملرد. تەڭگەگە دەيىن ارتتىرا وتىرىپ، 1000 جاڭا ىت-كومپانيا اشۋدى ىنتالاندىرادى.

جۇمىسپەن قامتۋدىڭ جاڭا نىساندارى – فريلانس، قاشىقتان جانە ءىشىنارا جۇمىسپەن قامتىلۋ بويىنشا جۇمىس ىستەيتىن ازاماتتار ءۇشىن الەۋمەتتىك كەپىلدىكتى زاڭنامالىق تۇرعىدا قامتاماسىز ەتۋ كوزدەلەدى. جالپى، «Nur Otan» پارتياسىنىڭ سايلاۋالدى باعدارلاماسى اياسىندا ءىت سالاسىندا 170 مىڭنان استام جاڭا جۇمىس ورنىن اشۋ جوسپارلانۋدا.

پارتيا باسپا ءسوز قىزمەتىنىڭ مالىمەتىنشە، ءبىر اپتا ىشىندە «Nur Otan» پارتياسىنىڭ سايلاۋالدى شتاب مۇشەلەرى ەلىمىز بويىنشا 7 مىڭنان استام كەزدەسۋ وتكىزىپ، ول 650 مىڭنان استام سايلاۋشىنى قامتىدى. «ەسىكتەن ەسىككە» اكسياسى بارىسىندا جاسوتاندىقتار 174 مىڭنان استام پاتەردى ارالادى.

شتابتار جانىنداعى قوعامدىق قابىلداۋ بولمەلەرىنە 8 مىڭنان استام ءوتىنىش كەلىپ تۇسسە، ونىڭ ىشىندە 2 مىڭنان استام ۇسىنىس پەن تالاپ-تىلەك تۇرعىنداردان كەلدى. كانديداتتار مەن پارتيانىڭ سەنىمدى وكىلدەرى 1،8 مىڭ قابىلداۋ وتكىزىپ، ونىڭ بارىسىنادا بارلىعى 7،6 مىڭ ادامدى قابىلدادى.

ەرتەڭ رەسپۋبليكالىق سايلاۋالدى شتاب اقمولا وبلىسىندا ءبىرقاتار كەزدەسۋلەر وتكىزەدى. ودان ءارى 5 كۇن قاتارىنان قىزىلوردا، ماڭعىستاۋ، اتىراۋ، باتىس قازاقستان جانە اقتوبە وبلىستارىنىڭ تۇرعىندارىمەن كەزدەسۋلەر جوسپارلانعان.

«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى.