پرەزيدەنت قاسىم-جومارت توقايەۆ كەيبىر زاڭنامالىق اكتىلەرگە قول قويدى. بۇل تۋرالى اقوردا سايتى حابارلادى.
مەملەكەت باسشىسى "قىلمىستىق پروسەستە ازاماتتاردىڭ قۇقىقتارىن قورعاۋدى جانە سىبايلاس جەمقورلىققا قارسى ءىس-قيمىلدى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى.
زاڭناماعا سايكەس، سىبايلاس جەمقورلىقپەن ۇستالىپ، سوتتالعان ازاماتتاردىڭ مەرزىمىنەن بۇرىن شارتتى تۇردە بوساپ شىعۋىنا شەكتەۋ قويىلادى.
قازاقستاننان تىسقارى جەردە ورنالاسقان شەتەلدىك بانكتەردە ەسەپ-شوتتار اشىپ، اقشا مەن باسقا دا باعالى زاتتاردى ساقتاۋعا تىيىم سالىنادى.
سونداي-اق توقايەۆ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە پەرسونال بەرۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" جانە "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادامداردى قازاقستان رەسپۋبليكاسىنىڭ شەگىنەن تىسقارى جەرگە شىعارىپ جىبەرۋ كەزىندە ۇستاپ الۋ مەرزىمدەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدارعا قول قويدى.
پىكىر قالدىرۋ