اقش-تىڭ سان-انتونيو قالاسىنداعى Alamodome ارەناسىندا وتكەن بوكس كەشىندە مەكسيكالىق ساۋل الۆارەس قارسىلاسى بريتانيالىق كاللۋم ءسميتتى جەڭدى، دەپ حابارلادى sports.kz.
12 راۋندقا جالعاسقان جەكپە-جەكتە قازىلاردىڭ ءبىراۋىز شەشىمىمەن )119-109، 119-109 جانە 117-111) ساۋل الۆارەس جەڭىمپاز دەپ تانىلدى. وسىلايشا، الۆارەس كاسىبي مانسابىنداعى 54-جەكپە-جەگىن جەڭىسپەن اياقتاپ، سۋپەرورتا سالماقتاعى WBA Super تۇجىرىمىنىڭ چەمپيوندىق تيتۋلىن، WBC تۇجىرىمىنىڭ جانە The Ring جۋرنالىنىڭ ارنايى تيتۋلىن يەلەندى.
مەكسيكالىق بوكسشى بۇعان دەيىن قازاقستاندىق گەنناديي گولوۆكينمەن ەكى مارتە قولعاپ تۇيىستىرگەن. العاشقى كەزدەسۋ تەڭ اياقتالىپ، ەكىنشىسىندە تورەشىلەر شەشىمىمەن جەڭىس الۆارەسكە بەرىلگەن. الايدا ەكى كەزدەسۋ ناتيجەسى دە داۋ تۋدىرعان.
بوكسشىلار ءۇشىنشى مارتە شارشى الاڭدا كەزدەسۋ وتكىزۋ ءۇشىن بىرنەشە مارتە كەلىسسوز وتكىزگەن. الايدا ازىرگە كەلىسىمگە قول جەتكىزىلگەن جوق.
الۆارەس بريتانيالىق بوكسشىنى جەڭگەننەن كەيىن گولوۆكينمەن بوكستاسۋعا قارسى ەمەستىگىن جەتكىزدى. 19 جەلتوقساندا پولشالىق بوكسشى كاميل شەرەمەتانى ۇتىپ، ورتا سالماقتاعى IBF جانە IBO تۇجىرىمدارى بويىنشا الەم چەمپيونى اتاعىن قورعاپ قالعان قازاقستاندىق سپورتشى دا الۆارەس-سميت كەزدەسۋىنىڭ جەڭىمپازىمەن ايقاسقىسى كەلەتىنىن ايتقان.
پوسموترەت ەتۋ پۋبليكاسيۋ ۆ Instagram
پىكىر قالدىرۋ