جەلىدە شىمكەنتتە زەينەتكەر ايەلدى زورلاماق بولعان ەر ادامنىڭ سۋرەتى جاريالاندى.
وقيعا 17 جەلتوقساندا شامامەن ساعات 23:15-تە بولعان. ەڭبەكشى اۋداندىق پوليسيا ءبولىمىنىڭ كەزەكشى بولىمشەسىنە قارت ايەلگە جەدەل كومەك قاجەتتىگى تۋرالى اقپارات تۇسكەن. وقيعا ورنىنا شۇعىل بارعان جەدەل-تەرگەۋ توبى ءۇيدىڭ كىرەبەرىسىندە 70 جاستاعى ايەلگە زورلىق-زومبىلىق جاسالماق بولعانىن انىقتاعان.
كۇدىكتىنىڭ كىم ەكەنى انىقتالدى. ول شىمكەنت قالاسىنىڭ تۇرعىنى. بۇعان دەيىن بىرنەشە رەت سوتتالعان.
اتالعان ءىس قىلمىستىق كودەكستىڭ 24-بابى 3-تارماعى، 120-بابى 1-تارماعى (زورلاۋعا ارەكەت ەتۋ) بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى.
كۇدىكتى ىزدەستىرىلۋدە.
پىكىر قالدىرۋ