نيۋ-يورك تايمس اقپاراتىنا سايكەc، دونالد ترامپ اقش-تاعى سايلاۋ ناتيجەسىن جويۋ ءۇشىن اسكەري كۇش قولدانۋ تۋرالى سۇراعان.
"دونالد ترامپ اقش-تاعى سايلاۋدىڭ كۇشىن جويۋ ءۇشىن اسكەريلەردى قولدانۋ مۇمكىندىگى تۋرالى سۇرادى" دەپ حابارلادى اق ءۇيدىڭ ينسايدەرلەرى.
نيۋ-يورك تايمس اقپاراتىنشا، ترامپ جۇما كۇنى اق ۇيدەگى كەزدەسۋ كەزىندە ءوزىنىڭ ۇلتتىق قاۋىپسىزدىك جونىندەگى بۇرىنعى كەڭەسشىسى مايكل فلينننەن بولاشاق جوسپارلارى تۋرالى سۇراعان.
فلينن Newsmax اقپارات اگەنتتىگىنە "پرەزيدەنت اسكەري جاعداي ەنگىزىپ، سايلاۋدى قايتا وتكىزۋگە اسكەر كۇشتەرىن جۇمىلدىرۋى كەرەك" دەپ سۇحبات بەردى.
– جۇما كۇنگى كەزدەسۋدىڭ ءبىر ساتىندە ترامپ بۇل يدەيا تۋرالى سۇراعان، – دەپ جازدى نيۋ-يورك تايمس اق ءۇيدىڭ ينسايدەرلەرىنە سىلتەمە جاساپ.
Newsmax-قا بەرگەن سۇحباتىندا "ەگەر ول قالاسا، اسكەري مۇمكىندىكتەرگە يە بولا الادى جانە قارۋلى كۇشتەردى سول شتاتتارعا ورنالاستىرىپ، نەگىزىنەن سول شتاتتاردا سايلاۋ وتكىزە الادى. وندا اسكەري جاعداي زاڭى تۋرالى ايتىپ جۇرگەن ادامدار بار. سوعىس جاعدايى 64 رەت ەنگىزىلگەن" دەدى فلينن.
