الماتى وبلىسى شونجى اۋدانىنىڭ كاسىپكەرى، ۆين شارۋاقوجالىعىنىڭ باسشىسى راديك مامتاشۋروۆ كاسىبىن دوڭگەلەتىپ، 100-دەگەن ادامدى جۇمىسپەن قامتىپ، قايىرىمدىلىقپەن اينالىسىپ جۇرگەن جانداردىڭ ءبىرى.

4،5 مىڭنان استام شاعىن جانە ورتا بيزنەس سۋبەكتىلەرى الماتى وبلىسىنداعى كاسىپكەرلىكتى دامىتۋ ءۇشىن ەڭ قولايلى اۋداندارىنىڭ بىرىندە تىركەلگەن. بۇگىنگى تاڭدا ۇيعىر اۋدانىندا 8156 ادام جەكە كاسىپكەر. ولاردىڭ كاسىبىنىڭ ىلگەرلەۋى ناتيجەسىندە قازىناعا 417 ميلليون 313 مىڭ تەڭگە ءتۇسىم ءتۇستى. بۇل وتكەن جىلدىڭ سايكەس كەزەڭىمەن سالىستىرعاندا 15 ميلليون تەڭگەگە ارتىق.

سونىمەن قاتار، شاعىن جانە ورتا بيزنەس سۋبەكتىلەرى اۋدان حالىق جۇمىسپەن قامتۋعا سەپ بولدى. ونداعان مىڭ جۇمىس ورنىن اشۋعا مۇمكىندىك تۋدىرىپ وتىر. مىسالى، مال جانە وسىمدىك شارۋاشىلىعىمەن اينالىساتىن «ۆين» شارۋا قوجالىعى 100-گە جۋىق ادامدى ەڭبەكپەن قامتۋعا قاۋقارلى. تۇراقتى جۇمىسشىلاردىڭ ورتاشا ايلىق جالاقىسى ايىنا 150.000 تەڭگەنى قۇرايدى.

– «2020 جىلى 70 گا دانگە جۇگەرى ەگىلدى، 770 توننا جالپى ءونىم الىندى، 1 گەكتاردان 110 سەنتنەردەن ورتاشا ونىمدىلىك الىندى، كوپ جىلدىق شوپتەر 51 گا پىشەن ەمەس، جالپى جيىن-تەرىم 500 توننا. 2020 جىلى انگۋس تۇقىمدى ءىرى قارا مال ساتىپ الىندى. بۇدان باسقا، تاۋارلى تابىن ءىقم – 200 باس جانە اۋليەكول تۇقىمدى ءوندىرۋشىنىڭ 4 باس اسىل تۇقىمدى بۇقاسى بار. بورداقىلاۋ الاڭدارى، تەحنيكا، جۇمىس كۇشى بارلىق جاعداي قاراستىرىلعان. بولاشاقتا اسىل تۇقىمدى مال باسىن كوبەيتىپ، بورداقىلاۋ الاڭدارىن كەڭەيتىپ، سيىر ەتىن ەكسپورتتاۋدى جوسپارلاپ وتىرمىز»، – دەدى «ۆين» شارۋاقوجالىعىنىڭ باسشىسى راديك مامتاشۋروۆ.

شاعىن جانە ورتا بيزنەس باسشىلارى قايىرىمدىلىقپەن بەلسەندى اينالىسادى. راديك مامتاشۋروۆ باستاماسىمەن اۋداندا از قامتىلعان مۇقتاج وتباسىلارعا 300-400 مىڭ تەڭگە كولەمىندە كومەك كورسەتىلدى.