ورتالىق تۇجىرىمىنشا، قازىرگىدەي ەپيدەميولوگيالىق احۋال ساقتالاتىن بولسا، قازاقستانداعى جۇمىسسىزدىق دەڭگەيى بۇرىنعىشا 5 پايىز دەڭگەيىندە قالادى. الايدا قوسىمشا شەكتەۋ شارالارى ەنگىزىلسە، وسى جىلدىڭ ءىىى توقسانىنداعى 455 مىڭ جۇمىسسىزدان بولەك، 162 مىڭنان استام ادام جۇمىسىنان ايىرىلۋ ءقاۋپى تۋادى.

"شەكتەۋ شارالارى قايتالانسا، اۋىل شارۋاشىلىعى، ونەركاسىپ پەن قۇرىلىس سالالارىنىڭ 90-97 پايىزىندا بۇرىنعى جۇمىس رەجيمى ساقتالادى. ءبىلىم، قارجى، ساقتاندىرۋ سالالارى مەن مەملەكەتتىك قىزمەتكەرلەردىڭ 59-80 پايىزى قاشىقتان قىزمەت تۇرىنە اۋىسۋى مۇمكىن. قىزمەت كورسەتۋ سالاسىندا جۇمىس ۋاقىتى قىسقارىپ، كەيدە جۇمىستان شىعارۋ شاراسى قولدانىلۋى ىقتيمال. ولاردىڭ قاتارىنا ساۋدا، كولىك جانە قويما قىزمەتى، سونداي-اق قوناق ءۇي، تاماقتانۋ قىزمەتىن كورسەتەتىندەر كىرەدى. بۇل سالالاردا قىزمەتكەرلەردىڭ 45 پايىزدان 64 پايىزعا دەيىنگى بولىگى اقىسىز دەمالىسقا كەتۋى، ال 86 مىڭ ادام ءتىپتى جۇمىستان شىعارىلۋى مۇمكىن" دەلىنگەن ورتالىق زەرتتەۋىندە.