3 قاڭتاردا شەت مەملەكەتتەردەن كەلگەن جولاۋشىلاردان كوروناۆيرۋس ينفەكسياسىن جۇقتىرعان جولاۋشىلار انىقتالعان جوق. بۇل تۋرالى سانيتاريالىق-ەپيدەميولوگيالىق باقىلاۋ كوميتەتى حابارلادى.

3 قاڭتاردا قازاقستانعا گەرمانيا، مالديۆ رەسپۋبليكاسى، مىسىر، تۇركيا، ءباا، ۋكراينا، رف، بەلارۋس رەسپۋبليكاسى، وزبەكستان جانە قىرعىزستاننان 17 حالىقارالىق اۋە رەيسى كەلدى.

بارلىعى 2 375 اۋە جولاۋشىلارىنىڭ ىشىندە پتر-تەستى بار 1 843 ادام، انىقتاماسىز 532 قازاقستان ازاماتى كەلگەن.

ونىڭ ىشىندە الماتى قالاسىنىڭ اۋەجايىنا – 9 رەيس، 1184 جولاۋشى، انىقتامامەن – 1018، انىقتاماسىز – 166 ادام كەلگەن. نۇر-سۇلتان قالاسىنىڭ اۋەجايىنا – 8 رەيس، 1 191 جولاۋشى، انىقتامامەن – 825، انىقتاماسىز – 366 جولاۋشى كەلگەن.

انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ءادىسىن جاساتىپ، كارانتيندىك ستاسيونارلاردا ءوز ناتيجەلەرىن كۇتۋدە.

2021 جىلدىڭ 2 قاڭتارىندا انىقتاماسىز كەلگەن بارلىق 254 ازاماتتان كوروناۆيرۋس تابىلمادى.