قازاقستاندىق بوكسشى گەنناديي گولوۆكين مەن مەكسيكالىق بوكسشى حايمە مۋنگيا اراسىنداعى جەكپە-جەكتىڭ كۇنى بەلگىلى بولدى. بۇل تۋرالى vesti.kz سايتى حابارلادى.

سايت مالىمەتىنشە، Golden Boy Promotions پروموۋتەرلىك كومپانياسىنىڭ نەگىزىن قالاۋشى وسكار دە لا حوييا جەكپە-جەكتى ۇيىمداستىرۋ جۇمىستارى جۇرگىزىلىپ جاتقانىن راستادى. بۇعان دەيىن ول بوكسشىلار اراسىندا كەلىسسوزدەر جۇرگىزىپ جاتقانىن حابارلادى.

ونىڭ ايتۋىنشا، جەكپە-جەكتىڭ كۇنى 5 مامىرعا بەلگىلەنىپ وتىر.

– گولوۆكين-مۋنگيا جەكپە-جەگى ءۇشىن جۇمىس جۇرگىزىلىپ جاتىر. بۇل بارىنە قىزىقتى جەكپە-جەك. "سينكو دە مايو". بۇل جارىلىس جەكپە-جەك بولادى، – دەدى دە لا حوييا.

ەسكە سالساق، گولوۆكين جەلتوقسان ايىندا كاميل شەرەمەتانى نوكاۋتقا ءتۇسىرىپ، 21ء-شى رەت الەم چەمپيونى اتاعىن قورعاپ قالعان.