"اق جول" دەموكراتيالىق پارتياسىنىڭ ءتوراعاسى ازات پەرۋاشيەۆ الماتى قالاسىندا جاستارمەن كەزدەستى. ءىس-شاراعا پارتيانىڭ قالالىق فيليالىنىڭ ءتوراعاسى قۋاندىق بيسقۇلتانوۆ، ءماجىلىس دەپۋتاتتىعىنا كانديداتتار: پارتيا ءتوراعاسىنىڭ ورىنباسارى دميتريي ۆاسيليەۆ، "KBT Group" كومپانياسىنىڭ باس ديرەكتورى ازات سەمبينوۆ قاتىستى. كەزدەسۋ "KBT Group" كومپانياسىندا ءوتتى.
كاسىپورىن باسشىلىعى كومپانيا قويماسىندا ەكسكۋرسيا ۇيىمداستىردى، وندا "اقجولدىقتار" كومپانيانىڭ جوبالارىمەن جانە جۇمىس جاعدايلارىمەن تانىستى.
سايلاۋالدى ۇگىت-ناسيحات ناۋقانى اياسىندا ازات پەرۋاشيەۆ "KBT Group" جاستار ۇجىمىنا "تۇبەگەيلى وزگەرىستەر قاجەت" سايلاۋالدى باعدارلاماسى تۋرالى ايتىپ بەردى.
"جاستاردىڭ ەركىن تاڭداۋ جاساۋلارىنا مۇمكىندىك بولۋى كەرەك. ويلاردى ەركىن ويلاۋ مەن تاڭداۋدان شەكتەۋ وتىرىك ايتۋعا ۇيرەتۋگە جانە تۇلعا رەتىندە وعان زورلىق-زومبىلىق جاساعانمەن تەڭ. مۇنداي ۇرپاعى بار ۇلت باسقالاردى الداۋ مەن ولارعا باعىنۋعا ءماجبۇر بولادى. قازاقستانعا ەركىن، مىقتى ءارى وزىنە سەنىمدى جاستار قاجەت.
وسىدان ءبىر عاسىر بۇرىن، الاشتىڭ ارداقتى اقىنى ماعجان جۇماباي ۇلى "مەن جاستارعا سەنەمىن" - دەپ جىرلاپ كەتتى. ال بىزدەر، ءجۇز جىل وتكەن سوڭ نەلىكتەن سول جاستارعا سەنبەيمىز؟ نەلىكتەن ولاردىڭ ءوز تاڭداۋىنا كەدەرگى جاسايمىز؟ "اق جول" دەموكراتيالىق پارتياسى جاستاردىڭ تاڭداۋ ەركىندىگى مەن ادامدىق قادىر-قاسيەتىن قورعاۋدى تالاپ ەتەدى"، - دەپ اتاپ ءوتتى پەرۋاشيەۆ.
"اق جول" باسشىسى پارتيانىڭ جاس قازاقستاندىقتاردى تۇرعىن ۇيمەن قامتاماسىز ەتۋ جونىندەگى باستامالارى تۋرالى ايتتى. وعان جاتاقحانالار سالۋ قاجەتتىلىگى تۋرالى جانە ءار بالانىڭ تۋىلۋىمەن يپوتەكانى سۋبسيديالاۋ بويىنشا ۇسىنىستار جاتادى.
"اق جول" ۇگىت-ناسيحات توبى جاس سايلاۋشىلاردى دەموكراتيالىق پارتيانىڭ بيزنەستى قولداۋ بويىنشا اعىمداعى جۇمىسى مەن باعدارلامالىق مىندەتتەرى تۋرالى حاباردار ەتتى.
"پاندەميانىڭ كەسىرىنەن تۋىنداعان ماسەلەلەردى رەتكە كەلتىرۋ ءۇشىن "اق جول" پارتياسى سالىق امنيستياسىن جۇرگىزۋدى، شوب-تى تولەم قابىلەتتىلىگى تولىق قالپىنا كەلگەنشە سالىق تولەۋدەن بوساتۋدى، ميكروبيزنەس پەن "ءوزىن-وزى جۇمىسپەن قامتىعان" حالىقتى سالىقتان تولىق بوساتۋدى ۇسىندى. بۇل ادامدارعا وزدەرى جۇمىس تاۋىپ، ەڭبەك ەتىپ جۇرگەندەرى، مەملەكەتكە الاشان جايىپ وتىرماعانى جانە ءوز وتباسىلارىن اسىراپ جاتقاندارى ءۇشىن العىس ايتۋ كەرەك"، - دەپ اتاپ ءوتتى پەرۋاشيەۆ.
سونىمەن قاتار، ول پارتيانىڭ ۇلتتىق بانكتىڭ پايىزدىق مولشەرلەمەسىن 4-5%-عا دەيىن تومەندەتۋ، كەيىننەن ەدب كرەديتتەرى بويىنشا دا پايىزداردى تومەندەتۋ جونىندەگى ۇسىنىستارى تۋرالى ەسكە سالدى.
"ەلدىڭ الەۋمەتتىك-ەكونوميكالىق جانە ساياسي جۇيەلەرىنە تۇبەگەيلى وزگەرىستەر قاجەت"، - دەيدى "اقجولدىقتار". وسىلايشى پارتيا مۇشەلەرى جاستاردى 2021 جىلدىڭ 10 قاڭتارىندا داۋىس بەرۋگە قاتىسۋعا شاقىرادى.
"اق جولدىڭ" ۇگىت-ناسيحات ناۋقانى جالعاسۋدا، دەموكراتيالىق پارتيا ءوزىنىڭ باعدارلامالىق مىندەتتەرىن جۇزەگە اسىرۋ جانە سايلاۋشىلاردان كەلىپ تۇسكەن وتىنىشتەر بويىنشا جۇمىسىن جالعاستىرۋدا.
پىكىر قالدىرۋ