بيۋللەتەن ءنومىرى ءبىرىنشى قازاقستان حالىق پارتياسى الماتىدا سايلاۋالدى شتابىنىڭ كەڭسەسىندە قالالىق ءماسليحات دەپۋتاتتىعىنا كانديداتتار مەن پارتيا كوشباسشىلارىنىڭ ونلاين كونفەرەنسياسىن وتكىزدى.

پارتيا مۇشەلەرى سايلاۋ ناۋقانىنىڭ ارالىق قورىتىندىسىن شىعارىپ، الداعى ءماجىلىس پەن ءماسليحات سايلاۋىنا دايىندىق جونىندەگى جۇمىس جوسپارىن تالقىلادى.

وزەكتى ماسەلەلەردى تالقىلاۋعا قازاقستان حالىق پارتياسى كوشباسشىلارىنىڭ ءبىرى جامبىل احمەتبەكوۆ قاتىسىپ، ءسوز سويلەدى. ول مەملەكەت ءونىمدى جانە لايىقتى اقى تولەنەتىن ەڭبەك قۇقىعىن قامتاماسىز ەتۋى ءتيىس ەكەنىن مالىمدەدى.

– ەكونوميكا ءوسىمدى كورسەتسە دە، حالىق مۇنى سەزبەيدى. ءبىز ونىمدەردى، تاۋارلاردى، جابدىقتاردى يمپورتتايمىز جانە باعانىڭ ۇزدىكسىز ءوسۋىن بايقايمىز. قازاقستاندىقتاردىڭ دوللارداعى ورتاشا تابىسى 2008 جىلدان بەرى ءوسىپ كەلە جاتقان جوق. قازاقستانعا حالىقتىق ەكونوميكا قاجەت. مۇنداعى نەگىزگى باسىمدىق – ءجىو-نىڭ ءوسۋى ەمەس، تۇراقتى جۇمىسپەن قامتۋ جانە حالىق تابىسىنىڭ ءوسۋى، – دەدى پارتيا ءتوراعاسى.

ال «Nur Otan»-نىڭ رەسپۋبليكالىق سايلاۋالدى شتابى ەلىمىزدىڭ بارلىق 17 ءوڭىرىن ارالادى.

ءار قالا مەن اۋداندا پارتيا وكىلدەرى جاستارمەن، كاسىپكەرلەرمەن، دارىگەرلەرمەن، مۇعالىمدەرمەن، زەينەتكەرلەرمەن، جۇمىسشىلارمەن، اگرارشىلارمەن، زيالىلارمەن كەزدەسىپ، وزەكتى ماسەلەلەردى تالقىلادى. پارتيانىڭ كوزدەگەن ماقساتىن، العا قويعان مىندەتتەرىنىڭ ورىندالۋىنا قانداي كەپىلدىكتەر بەرەتىنىن ءتۇسىندىردى.

– «Nur Otan»-نىڭ ۇگىت-ناسيحات جۇمىستارى دابىرا-داقپىرتسىز، مازمۇندى دا قارقىندى ءوتتى. 7 ميلليون سايلاۋشىنى قامتىپ، 28 مىڭنان استام ءىس-شارا ۇيىمداستىرىلدى. ولاردىڭ ءبارى بۇقارالىق ءىس-شارالار ەمەس – ناقتى ادامدارمەن وزەكتى ماسەلەلەردى تالقىلاۋعا ارنالعان تاقىرىپتىق كەزدەسۋلەر. ۋاقىتىمىزدىڭ 80%ء-ىن ازاماتتاردىڭ ساۋالدارىنا جاۋاپ بەرۋگە ارنادىق»، – دەدى سايلاۋالدى شتاب جەتەكشىسى باۋىرجان بايبەك.

ونىڭ ايتۋىنشا، «ەسىكتەن ەسىككە» اكسياسى اياسىندا جاسوتاندىقتار 1،4 ملن. ءۇي مەن پاتەرلەردى ارالاپ، 6،2 ملن. ۇگىت ماتەريالدارىن تاراتقان. وڭىرلەردە قوعامدىق قابىلداۋلار قىزۋ جۇمىس ىستەپ، 95 مىڭنان استام ءوتىنىش ءتۇستى. ولاردىڭ ۇشتەن ءبىرى – ۇسىنىستار مەن اماناتتار.

«اۋىلدىقتار» بولسا، ۇگىت-ناسيحات اياسىندا 2145 اۋىلعا بارعان. بۇل «اۋىل» حالىقتىق-دەموكراتيالىق پاتريوتتىق پارتياسىنىڭ الماتى وبلىسىنداعى «بايسەركە-اگرو» ءجشس-ى بازاسىندا وتكەن «اۋىل  – ەل ىرزىعىنىڭ يەسى!» اتتى سايلاۋالدى ناۋقانىن اياقتاۋ اكسياسى بارىسىندا بەلگىلى بولدى. ءىس-شاراعا پارتيا ءتوراعاسى ءالي بەكتايەۆا، ق ر پارلامەنتى ءماجىلىسى مەن بارلىق دەڭگەيدەگى ءماسليحاتتارعا كانديداتتار قاتىستى.

«اۋىل» پارتياسىنىڭ ءتوراعاسى ۇگىت-ناسيحات جۇمىستارىنىڭ قورىتىندىسىنا توقتالىپ، وسى ءىس-شارانى وتكىزۋ ورنى مەن فورماتىن تاڭداۋ كەزدەيسوق ەمەس ەكەنىن اتاپ ءوتتى، ويتكەنى باعدارلامالىق پلاتفورمانىڭ باستى باعىتى اوك-تى دامىتۋ جانە اۋىلدى جانداندىرۋ بولىپ تابىلادى.

ول ءبىر اي ىشىندە بارلىق وڭىرلەردە تولىق اۋقىمدى ۇگىت-ناسيحات ناۋقانى جۇرگىزىلگەنىن اتاپ ءوتتى. «اۋىل» پارتياسىنىڭ ۇگىت جۇمىسى ءبىر كۇنگە دە توقتاعان جوق. ۇگىت-ناسيحات جۇمىسىنىڭ العاشقى كۇنىنەن باستاپ رەسپۋبليكالىق جانە وبلىستىق باق-تا جاريالاۋمەن 200-دەن استام ءىس-شارا وتكىزىلدى. بەكىتىلگەن مەديا-جوسپارعا سايكەس وڭىرلەردە ق ر پارلامەنتى ءماجىلىسىنىڭ دەپۋتاتتىعىنا كانديداتتاردىڭ قاتىسۋىمەن ءتيىستى دەڭگەيدە 300-دەن استام ءىس-شارا ۇيىمداستىرىلدى.

6000-نان استام ءىس-شارا وبلىستىق جانە اۋداندىق ءماسليحاتتارعا كانديداتتاردىڭ قاتىسۋىمەن رەسپۋبليكالىق جانە وڭىرلىك بۇقارالىق اقپارات قۇرالدارىن تارتا وتىرىپ ۇيىمداستىرىلدى، وعان «اۋىل» پارتياسىنان دەپۋتاتتىققا كانديداتتاردىڭ كاسىپورىندار ۇجىمدارىمەن كەزدەسۋلەرى، كەڭەستەر، دوڭگەلەك ۇستەلدەر، فلەشموبتار كىردى. 20 جەلتوقساننان باستاپ «اۋىلدان اۋىلعا» رەسپۋبليكالىق اكسياسى باستالدى، ونىڭ ماقساتى ەڭ شالعاي اۋىلداردىڭ تۇرعىندارىمەن كەزدەسۋ جانە ولارعا پارتيانىڭ سايلاۋالدى باعدارلاماسىن جەتكىزۋ. وسى ۋاقىت ىشىندە بارلىق دەڭگەيدەگى دەپۋتاتتىققا كانديداتتار 2145 اۋىلعا باردى.

«اق جول» دەموكراتيالىق پارتياسى ءلىمىزدىڭ بارلىق قالالارىندا «اق جولمەن» بىرگە جارقىن جولمەن!» اۆتوشەرۋى ەلىمىزدىڭ بارلىق قالالارىندا وتكىزدى.

مۇنداي  ناۋقاندى «اق جولدىڭ» رەسپۋبليكالىق شتابى ءداستۇرلى تۇردە ۇگىت-ناسيحات ناۋقانىنىڭ سوڭعى كۇنىندە ۇيىمداستىرادى.

بۇگىن قازاقستاننىڭ بارلىق وڭىرىندەگى «اق جول» پارتياسىنىڭ كەڭسەلەرىنەن جالاۋلار مەن دەمپارتيانىڭ ۇگىت اتريبۋتتارىمەن بەزەندىرىلگەن اق اۆتوكولىكتەر لەگى ءبىر مەزگىلدە جولعا شىقتى.

كولىكتەردىڭ ءتۇسىنىڭ اق بولۋى كەزدەيسوقتىق ەمەس، ول «اق جول» دەموكراتيالىق پارتياسىنىڭ اتاۋى - جارقىن جولمەن سايكەس كەلەدى. اق ءتۇس تازالىقتى، تاڭدالعان جولدىڭ اشىقتىعىن بىلدىرەدى.

اۆتوكولىكتەردىڭ باعىتتارى قازاقستاندىق قالالاردىڭ بارلىق ورتالىق كوشەلەرىن، كوپىرلەرىن، جولايىرىقتارىن جانە داڭعىلدارىن قامتىدى. ناۋقانعا قاتىسۋشىلار ازاماتتاردى 10 قاڭتاردا سايلاۋعا كەلىپ، «اق جول» پارتياسىنا داۋىس بەرۋگە شاقىردى.

«ADAL»  پارتياسى سايلاۋ الدىنداعى جارىستىڭ سوڭعى ۇگىت كۇنىن قازاقستانداعى پارلامەنتتىك سايلاۋ تاريحىندا تۇڭعىش رەت دەپۋتاتتىققا ۇمىتكەرلەردىڭ 12 ساعاتتىق تىكەلەي ەفيرىن جۇرگىزۋدە.

«ADAL» پارتياسىنىڭ ينستاگرام مەن فەيسبۋكتەگى رەسمي پاراقشالارىندا، سونداي-اق Youtube-كانالىندا ءۇزىلىسسىز تىكەلەي ەفير 8 قاڭتاردا ساعات 12.00-دەن باستاپ وتۋدە. تىكەلەي ەفير ب ا ق پەن ينتەرنەتتە كەز-كەلگەن ۇگىت ماتەريالدارىن جاريالاۋعا تىيىم سالىنعان «تىنىشتىق كۇنى» دەپ اتالاتىن كۇن باستالۋعا ءبىر مينۋت قالعاندا اياقتالادى.

تىكەلەي ەفيردى ءماجىلىس دەپۋتاتتىعىنا ۇمىتكەرلەر ماقسات تولىقباي، داۋلەت مۇقايەۆ، ولجاس وردابايەۆ، الماسبەك سادىربايەۆ، لاۋرا ماليكوۆا، اقمارال بەكمۇرزايەۆا، الينا اسقاروۆا جانە پارتيا وكىلدەرى نۇرلىبەك مۇقانوۆ، انۋار كەرەمبايەۆ جۇرگىزۋدە.

ۇمىتكەر ماقسات تولىقباي «ADAL»-دان ءماجىلىس دەپۋتاتتىعىنا 16 ۇمىتكەر، سونداي-اق بارلىق دەڭگەيدەگى ءماسليحاتتارعا 537 ۇمىتكەر ءبىر ايعا جۋىق ۋاقىت بويى ۇگىت-ناسيحات جۇمىستارىن جۇرگىزگەنىن اتاپ ءوتتى.

– بۇل ەلدىڭ 22 قالاسى مەن 163 اۋىلدىق ايماعىندا 4918 كەزدەسۋدى قامتىدى. كەزدەسۋلەرگە 138856 ازامات قاتىستى. ءبىزدىڭ، ارينە، سايلاۋشىلارمەن ايتاتىن جانە بولىسەتىن نارسەلەرىمىز بار. ەفيردە پارتيانىڭ قۇندىلىقتارى، پارتيا باعدارلاماسىنىڭ نەگىزگى مىندەتتەرى تۋرالى ايتامىز. ءبىز تۇرعىنداردان كەلىپ تۇسكەن سۇراقتارعا جاۋاپ بەرۋگە، وزەكتى ماسەلەلەردى تالقىلاۋعا ەرەكشە نازار اۋدارامىز، – دەدى ول.

ونىڭ ايتۋىنشا، ەل تۇرعىندارى ءتۇرلى سۇراقتار قويىپ، ءتۇرلى وتىنىشتەر جاسايدى.

– بىرەۋ جالاقىنىڭ ازدىعىنا، تۇرعىن ءۇيدىڭ جوقتىعىنا، اۋىز سۋعا جانە جۇمىسسىزدىققا شاعىمدانادى. ال بىرەۋ ءبىلىم بەرۋدى، دەنساۋلىق ساقتاۋدى جاقسارتۋ تۋرالى ايتادى. كۇن سايىن ءبىز ازاماتتاردىڭ پارتياعا كىرۋگە دەگەن ۇمتىلىسى تۋرالى وتىنىشتەر اعىمىن تىركەيمىز: قالالار مەن اۋىلداردا ورنالاسقان 3000 قوراپقا كەزدەسۋلەردىڭ ناتيجەلەرى بويىنشا 177 مىڭنان استام وتىنىشتەر كەلىپ ءتۇستى. 69 مىڭنان استام ءوتىنىش adalpartiyasy.kz سايتىنا ءتۇستى. ناتيجەسىندە ءبىز، پارتيا مۇشەلەرى، 300 مىڭنان اسىپ كەتتىك، –  دەدى ماقسات تولىقباي.