ءىىم قازاقستاندىقتارعا الداعى ۋاقىتتا اۋا-رايىنىڭ ناشارلاۋىنا بايلانىستى ەسكەرتۋ جاساپ، جولدا اباي بولۋدى، قالا سىرتىنداعى جولدارعا شىقپاۋدى سۇرادى، دەپ حابارلادى Polisia.kz سايتى.

12 قاڭتاردا اۋا رايىنىڭ ناشارلاۋىنا بايلانىستى قاراعاندى جانە سولتۇستىك قازاقستان وبلىستارىنىڭ رەسپۋبليكالىق ماڭىزى بار اۆتوجولدارىندا كولىكتىڭ بارلىق تۇرلەرى ءۇشىن قوزعالىس تولىعىمەن جابىلعان.

سونداي-اق اقمولا جانە قوستاناي وبلىستارىنداعى قالا سىرتىنداعى تاس جولداردا سولتۇستىك قازاقستان وبلىسى باعىتى بويىنشا اۆتوموبيل قوزعالىسى شەكتەلگەن.

پاۆلودار وبلىسىندا قاراعاندى جانە اقمولا وبلىستارىنا باراتىن قوزعالىس شەكتەلگەن.

قازگيدرومەت" دەرەكتەرى بويىنشا 13 قاڭتاردا شىعىس قازاقستان، جامبىل، ماڭعىستاۋ، پاۆلودار جانە تۇركىستان وبلىستارىندا اۋا رايىنىڭ ناشارلاۋى كۇتىلۋدە.

ءىىم اتالعان ايماقتاردىڭ تۇرعىندارىنا ۇزاق ساپارعا شىقپاۋدى ەسكەرتتى.

10-11 قاڭتار ارالىعىندا ەلدە 35 جول-كولىك وقيعاسى تىركەلىپ، 50 ادام ءتۇرلى دەنە جاراقاتىن الىپ، 7 ادام قايتىس بولعان.