Nur Otan پارتياسىنىڭ ءتوراعاسى نۇرسۇلتان نازاربايەۆ Nur Otan فراكسياسى اتىنان پرەمەر-مينيستر قىزمەتىنە اسقار ءماميننىڭ كانديداتۋراسى ۇسىنىلسا، ونى قولداۋدى سۇرادى.
– بارلىق قيىندىققا قاراماستان، ۇكىمەت ءوز جۇمىسىن ورىندادى. باسقا ەلدەردىڭ جانىندا ءبىز جاقسى ناتيجە كورسەتتىك. ەگەر پرەزيدەنت ۇكىمەت باسشىسى لاۋازىمىنا مامين اسقار ۇزاقبايۇلىن ۇسىنسا، فراكسيادان ونىڭ كانديداتۋراسىن قولداۋدى سۇرايمىن، – دەدى نازاربايەۆ.
سونىمەن قاتار نۇرسۇلتان نازاربايەۆ نۇرلان ءنىعماتۋليننىڭ كانديداتۋراسىن پارتيانىڭ ماجىلىستەگى فراكسياسىنىڭ جەتەكشىسى لاۋازىمىنا ۇسىنىپ، ۇسىنىس قابىلداندى.
پىكىر قالدىرۋ