21-عاسىردىڭ 2021 جىلى بارشا ادامزات ءۇشىن بەتبۇرىس كەزەڭىنە اينالماق. بۇل تۋرالى پرەزيدەنت قاسىم-جومارت توقايەۆ ايتتى.
– ءماجىلىس پەن بارلىق دەڭگەيدەگى ءماسليحاتتاردىڭ كوپپارتيالى بولۋى، جاڭا قۇرامى قوعامداعى ساياسي باسەكەنىڭ ارتا تۇسكەنىن كورسەتتى. ەلباسى جەتەكشىلىك ەتەتىن "Nur Otan" پارتياسى ءوزىنىڭ كوشباسشىلىعىن تاعى ءبىر مارتە دالەلدەدى. حالىقتىڭ بەلگىلى ءبىر بولىگىنىڭ مۇددەسىن كوزدەيتىن باسقا دا پارتيالار سەنىم مانداتىنا يە بولدى. ەل-جۇرتىمىز ەگەمەندىگىمىزدىڭ 4ء-شى ونجىلدىعىنا قادام باسار تۇستا بۇرىن بولماعان جاڭا سىن-قاتەرلەرمەن بەتپە-بەت كەلىپ وتىر. ءبىز عانا ەمەس كۇللى دۇنيەجۇزى مۇلدە جاڭا داۋىرگە بەت بۇردى. وركەنيەتتىڭ دامۋ جولىمەن الەمدىك قۇرىلىمنىڭ ءتۇپ نەگىزى تۇبەگەيلى وزگەرىسكە ۇشىراۋدا، – دەدى ول.
سونداي-اق پرەزيدەنت 2021 جىل الداعى ونجىلدىقتىڭ باستى باعدارىن ايقىندايتىنىن اتاپ ءوتتى.
– 21-عاسىردىڭ 2021 جىلى بارشا ادامزات ءۇشىن بەتبۇرىس كەزەڭىنە اينالماق. بۇل جىل الداعى ونجىلدىقتىڭ باستى باعدارىن ايقىندايدى. مۇنداي كۇردەلى جاعدايدا ۋاقىتتان ۇتىلۋعا جانە ءبىر ساتكە دە بوساڭسۋعا بولمايدى، – دەدى قاسىم-جومارت توقايەۆ.
پىكىر قالدىرۋ