بۇگىن جەتىنشى شاقىرىلعان ءماجىلىستىڭ ءبىرىنشى جالپى وتىرىسىندا پرەمەر-مينيستردىڭ كانديداتۋراسىنا داۋىس بەرۋدە 21 دەپۋتات قالىس قالدى.
اسقار مامين كانديداتۋراسىن قازاقستاننىڭ پرەمەر-مينيسترى لاۋازىمىنا داۋىس بەرۋگە 99 دەپۋتات قاتىستى. ولاردىڭ 78ء-ى ءماميننىڭ كانديداتۋراسىن قولداپ، 21 دەپۋتات قالىس قالدى.
پارتيالاردىڭ قالىس قالۋىن توقايەۆ مامين كانديداتۋراسىنا قارسىلىق دەپ تۇسىنبەۋ كەرەكتىگىن ايتتى.
– بۇگىن وتە قىزىق تالقىلاۋ بولدى. پىكىرتالاس وتە اشىق، انىق، ايقىن بولدى. سوندىقتان مەن ريزامىن. بارشاڭىزعا ريزاشىلىعىڭىزدى بىلدىرەمىن. كۇتىلگەندەي، "اق جول" مەن "قازاقستان حالىق پارتياسى" فراكسيالارى قالىس قالدى. مەنىڭ تۇسىنىگىمدە، بۇل – پرەزيدەنت ۇسىنىسىنا قولداۋ كورسەتپەيتىنىن بىلدىرمەيدى. قالىس قالۋ – بۇل مەملەكەت باسشىسىنىڭ ۇسىنىستارىنا قايشى كەلمەيتىن ۇستانىم. پارتيالاردىڭ داۋىس بەرۋدە قالىس قالۋى – پرەمەر-مينيستردىڭ كانديداتۋراسىنا قارسى كەلۋ ەمەس. بۇل – تەك قالىس قالۋ، – دەپ ءتۇسىندىردى توقايەۆ.
پىكىر قالدىرۋ