2021 جىلعى 1 اقپاندا الماتى قالاسىنداعى "كوكتوبە" تەلەمۇناراسىندا سيفرلىق ەفيرلىك تەلەحابار تاراتۋ جەلىسىنە كوشۋ بويىنشا ءىس-شارا وتەدى. بۇل تۋرالى قالا اكىمىنىڭ باسپا ءسوز قىزمەتى حابارلادى.
بۇگىنگى تاڭدا سيفرلىق ەفيرلىك تەلەحابار تاراتۋ جەلىسى بارلىق وبلىس ورتالىقتارىندا جانە ءبىرقاتار وبلىستاردا قول جەتىمدى: ماڭعىستاۋ، جامبىل، تۇركىستان، الماتى، پاۆلودار، قوستاناي وبلىستارىندا جانە شىمكەنت قالاسى تولىقتاي كوشىپ قويعان.
ەندى 1 اقپاندا الماتى قالاسى مەن سولتۇستىك قازاقستان وبلىسىن تولىق كوشىرۋ جوسپارلانىپ وتىر.
سونىمەن قاتار بيىل 1 جەلتوقسانعا دەيىن نۇر-سۇلتان قالاسى مەن قاراعاندى وبلىسىن سيفرلىق ەفير فورماتىنا كوشىرۋ كوزدەلگەن.
بۇكىل قازاقستان بويىنشا انالوگتىق تەلەحابار تاراتۋ جەلىسىن ءوشىرۋ ءۇشىن 827 راديوتەليەۆيزيالىق ستانسيا تۇرعىزىلىپ، مودەرنيزاسيالانۋ كەرەك. قازىرگى ۋاقىتتا 546 راديوتەليەۆيزيالىق ستانسيا ىسكە قوسىلدى. سونىڭ ناتيجەسىندە سەتۆ-نىڭ قامتۋ اۋماعى ەل حالقىنىڭ 91 پايىزىن قۇراپ وتىر. سيفرلىق ەفيرلىك تەلەحابار تاراتۋ جەلىسىن ەنگىزۋ جوباسى 2022 جىلى اياقتالادى دەپ جوسپارلانعان. سەتۆ-گە كوشۋدىڭ مەرزىمدەرى مەن كەزەڭدەرىن ق ر مەملەكەتتىك قۇزىرلى ورگان بەكىتەدى.
پىكىر قالدىرۋ