ءبىلىم جانە عىلىم ءمينيسترىنىڭ بۇيرىعىمەن قانات مارات ۇلى سارسەمبايەۆ ءبىلىم جانە عىلىم مينيسترلىگى اپپاراتىنىڭ باسشىسى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
قانات سارسەمبايەۆ 1978 جىلى وڭتۇستىك قازاقستان وبلىسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن "زاڭگەر" ماماندىعى بويىنشا بىتىرگەن. ەڭبەك جولىن 1998 جىلى "دانەكەر" حالىقارالىق قۇقىق جانە حالىقارالىق بيزنەس ينستيتۋتىنىڭ زاڭگەرى بولىپ باستاعان.
2000-2002 جىلدارى مەملەكەتتىك كىرىستەر مينيسترلىگىندە جەتەكشى مامان، باس مامان بولىپ جۇمىس ىستەدى.
2002 جىلدان 2005 جىل ارالىعىندا – پرەزيدەنت اكىمشىلىگىنىڭ زاڭناما جانە قۇقىقتىق ساراپتاما ءبولىمىنىڭ اعا ساراپشىسىنىڭ م. ا.، اعا ساراپشىسى، باس ساراپشىسى.
2005 جىلدان 2011 جىل ارالىعىندا – كونستيتۋسيالىق كەڭەس اپپاراتىنىڭ قۇقىقتىق ساراپتاما ءبولىمىنىڭ مەڭگەرۋشىسى.
2011 جىلدان 2015 جىل ارالىعىندا پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى بولىپ جۇمىس ىستەدى.
2015 جىلدان 2017 جىل ارالىعىندا قوستاناي وبلىسى ۇزىنكول اۋدانىنىڭ اكىمى قىزمەتىن اتقاردى.
2017 جىلدان 2019 جىل ارالىعىندا سولتۇستىك قازاقستان وبلىسى اكىمى اپپاراتىنىڭ باسشىسى بولىپ جۇمىس ىستەدى.
2019 جىلدان 2021 جىل ارالىعىندا ءبىلىم جانە عىلىم مينيسترلىگىنىڭ جاۋاپتى حاتشىسى قىزمەتىن اتقارعان.
پىكىر قالدىرۋ