شىمكەنت قالاسى جانە اقمولا، اتىراۋ، شىعىس قازاقستان، جامبىل، قاراعاندى وبلىستارىندا كارانتيندىك شەكتەۋ شارالارى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
شىمكەنت قالاسىنىڭ باس سانيتار دارىگەرى ءابدىماناپ تۋلەبايەۆ كارانتيندى كۇشەيتۋگە قاتىستى جاڭا قاۋلى شىعاردى.
"شىمكەنت قالاسىنىڭ اۋماعىندا 25 قاڭتار ساعات 00:00-دەن باستاپ 08 اقپان ساعات 00:00-گە دەيىن كارانتين جانە شەكتەۋ شارالارى ۇزارتىلسىن" دەلىنگەن قاۋلىدا.
جاڭا قاۋلىعا سايكەس:
- بالالاردىڭ مەكتەپكە دەيىنگى ۇيىمدارىنىڭ جانە ساۋىقتىرۋ لاگەرلەرىنىڭ جۇمىسى توقتاتىلادى؛
- جۇمىس، دەمالىس جانە مەرەكە كۇندەرى قوعامدىق كولىك قوزعالىسىنىڭ جۇمىسى 07:00-دەن 21:00-گە دەيىن شەكتەلەدى.
اقمولا وبلىسىنىڭ باس سانيتار دارىگەرى ايناگۇل مۋسينا كارانتين شارالارى تۋرالى 23 قاڭتارداعى №8 قاۋلىسىنا وزگەرىستەر مەن تولىقتىرۋلار ەنگىزدى.
قاۋلىعا سايكەس، حالىققا قىزمەت كورسەتۋ ورتالىقتارىنىڭ جۇمىسى 09:00-دەن 18:00-گە دەيىن ىستەيدى. سونداي-اق حقو-عا ارنايى الدىن-الا جازىلۋ ارقىلى بارادى.
قاۋلى 2021 جىلدىڭ 24 قاڭتارىندا ساعات 00.00-دەن باستاپ كۇشىنە ەنەدى.
اتىراۋ وبلىسىنىڭ باس سانيتار دارىگەرى م. تاناۋوۆتىڭ قاۋلىسى 22 قاڭتار ساعات 00:00-دەن باستاپ كۇشىنە ەندى.
"اتىراۋ وبلىسى تۇرعىندارى اراسىندا كوروناۆيرۋس ينفەكسياسىنىڭ الدىن-الۋعا قاتىستى شارالار تۋرالى" باس مەملەكەتتىك سانيتار دارىگەرىنىڭ 2021 جىلدىڭ 21 قاڭتارداعى №1 قاۋلىسىنا وزگەرىستەر ەنگىزىلدى.
باس سانيتار دارىگەردىڭ قاۋلىسىندا تومەندەگىدەي تالاپتار بار:
- قوعامدىق تاماقتانۋ ورىندارىندا انتيسەپتيك قولدانىلىپ، كارانتين رەجيمى ەسكەرىلۋگە ءتيىس؛
- 65 جاستان اسقان ادامداردىڭ قالادا جۇرۋىنە شەكتەۋ قويىلادى؛
- ادامداردىڭ كوپ جينالۋىنا بايلانىستى كەز كەلگەن ءىس-شارالاردى وتكىزۋگە تىيىم سالىنادى (بانكەت، توي، ەسكە الۋ، تۋعان كۇن، مەرەيتوي، شىعارىپ سالۋ، قۇدالىق)؛
- ارنايى مەديسىينالىق ورتالىقتار، كابينەتتەر، ستوماتولوگيالىق كلينيكالار (الدىن-الا جازىلۋ بويىنشا) ساعات 09:00-دەن 18:00-گە دەيىن جۇمىس ىستەيدى؛
- ازىق-تۇلىك دۇكەندەرى ساعات 09:00-دەن 18:00-گە دەيىن جۇمىس ىستەۋى كەرەك.
شىعىس قازاقستان وبلىسىنىڭ باس سانيتار دارىگەرى ح.يليۋبايەۆ وبلىستىڭ بارلىق اۋماعىندا 25 قاڭتاردان 7 اقپانعا دەيىن شەكتەۋ شارالارىن كۇشەيتۋ تۋرالى قاۋلى شىعاردى.
"2021 جىلعى 25 قاڭتاردان باستاپ 7 اقپانعا دەيىن شارۋاشىلىق جانە (نەمەسە) وزگە دە قىزمەتپەن جانە حالىقتىڭ تىنىس-تىرشىلىگىنىڭ ەرەكشە جاعدايلارىمەن شەكتەۋ شارالارى ۇزارتىلسىن.
شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا COVID-19 كوروناۆيرۋستىق ينفەكسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن" دەلىنگەن قاۋلىدا.
قۇجاتقا سايكەس وبلىستا سانيتارلىق باقىلاۋ بەكەتتەرى قويىلدى. شىعىس قازاقستان وبلىسىنىڭ سىرتقى شەكارالارىنا پاۆلودار وبلىسى جاعىنان ەكى باقىلاۋ بەكەتى قويىلدى.
سونىمەن قاتار "اۋىل"، "ۋبا"، "باقتى"، "مايقاپشاعاي" (شەمونايحا، بورودۋليحا، ءۇرجار، زايسان اۋداندارى بويىنشا 1 بىرلىكتەن) وتكىزۋ پۋنكتتەرىندە 4 سانيتاريالىق بەكەت جۇمىس ىستەيدى.
جامبىل وبلىسى تاراز قالاسىنىڭ باس سانيتار دارىگەرى ر.و.التىنباسوۆانىڭ قاۋلىسىنا سايكەس مىنا تالاپتار ەنگىزىلدى.
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى، سونداي-اق وتباسىلىق، سالتاناتتى، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ)، ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى؛
- 65 جاستان اسقان ادامداردىڭ قالا بويىنشا ءجۇرۋى شەكتەلەدى؛
- 3 ادامنان اسپايتىن توپتارمەن نەمەسە ءبىر وتباسى مۇشەلەرىمەن اۋلالاردا سەرۋەندەۋگە، ساياباقتارعا، الاڭدارعا، سكۆەرلەر مەن جاعالاۋلارعا بارۋعا رۇقسات ەتىلەدى؛
- تۇرعىن ۇيلەردىڭ اۋلالارىندا جانە جالپى پايدالانۋ ورىندارىندا ورنالاسقان بالالار ويىن الاڭدارىنا 3 ادامنان اسپايتىن توپتاردا بارۋعا رۇقسات ەتىلەدى؛
- قوعامدىق ءۇي-جايلاردا، قوعامدىق كولىكتە، 5 جاسقا دەيىنگى بالالاردى قوسپاعاندا، سونداي-اق الەۋمەتتىك قاشىقتىقتى ساقتاۋ كەزىندە قوعامدىق تاماقتانۋ ورىندارىندا تاماق ءىشۋ جاعدايلارىن قوسپاعاندا بەتپەردە كيۋ تالاپتارىن قاتاڭ ساقتاۋى ءتيىس.
قاراعاندى وبلىسى جەزقازعان قالاسىنىڭ باس سانيتار دارىگەرى و. ت. بايعوجينا 19 قاڭتارداعى N1 قاۋلىسىنا وزگەرىستەر ەنگىزدى.
قاۋلىعا سايكەس جەزقازعان قالاسىنىڭ تۇرعىندارىنا:
- ءبىر وتباسى مۇشەلەرىن قوسپاعاندا، 3 ادامنان ارتىق ادامداردىڭ جينالۋىنا تىيىم سالىندا؛
- 60 جاستان اسقان ادامداردىڭ ەلدى مەكەندەر مەن قوعامدىق ورىنداردا ءجۇرۋى شەكتەلەدى؛
- جەرلەۋ ءىس-شارالارىن وتكىزۋ كەزىندە كەمىندە ەكى مەتر قاشىقتىقتى ساقتاي وتىرىپ، 5-تەن استام ادامنىڭ جينالۋى شەكتەلەدى؛
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى، سونداي-اق وتباسىلىق، سالتاناتتى، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ)، ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى.
پىكىر قالدىرۋ