الماتى قالاسىنىڭ اكىمى باقىتجان ساعىنتايەۆ قوعامدىق كولىكتە تەگىن جۇرۋگە قۇقىلى ادامداردىڭ ساناتىن كوبەيتەتىنىن حابارلادى. بۇل تۋرالى ول الەۋمەتتىك جەلىدەگى پاراقشاسىندا جازدى.
– الماتى ءماسليحاتىنىڭ دەپۋتاتتارى باسقا مەملەكەتتەردiڭ اۋماعىنداعى ۇرىس قيمىلدارىنىڭ ارداگەرلەرىنە، "التىن القا" مەن "كۇمىس القا" القاسىمەن ماراپاتتالعان كوپبالالى انالارعا، سونداي-اق 18 جاسقا دەيىنگى مۇگەدەك بالانى الىپ جۇرەتىن ادامدارعا قالاداعى قوعامدىق كولىكتە جەڭىلدىكپەن ءجۇرۋ تۋرالى شەشىمىمىزدى قولدادى، – دەدى ول.
شاھار باسشىسىنىڭ ايتۋىنشا، بۇل شەشىم "ارداگەرلەر تۋرالى" 2020 جىلعى 6 مامىرداعى جاڭا زاڭعا سايكەس، سونداي-اق قالا تۇرعىندارىنىڭ الەۋمەتتىك-ەكونوميكالىق جاعدايىن جاقسارتۋ مەن ونى قورعاۋ ماقساتىندا قابىلدانعان.
– قالالىق الەۋمەتتىك ءال-اۋقات باسقارماسىنىڭ مالىمەتىنشە، شاھاردا 18 جاسقا دەيىنگى مۇگەدەك بالالاردى الىپ جۇرەتىن 1161 ادام بار. بۇل ساناتتاعى ادامدارعا 50% جەڭىلدىك بەرىلەدى. ال "التىن القا" مەن "كۇمىس القا" القاسىمەن ماراپاتتالعان 4663 كوپبالالى اناعا تەگىن جول ءجۇرۋ قۇقىعى بەرىلەدى، – دەپ اتاپ ءوتتى جەلىدەگى جازباسىندا.
پىكىر قالدىرۋ