دەنساۋلىق ساقتاۋ مينيسترلىگى ەلدەگى ەپيدەميولوگيالىق احۋال تۋرالى اقپاراتتى جاريالادى.

مينيسترلىك مالىمەتىنشە ەلدە ءبىر تاۋلىكتە 1342 ادامنان كوروناۆيرۋس انىقتالىپ، 14 ادام ولگەن. 71 ناۋقاس پنيەۆمونيا جۇقتىرىپ، 3 ادام كوز جۇمعان.

31 قاڭتارداعى مالىمەت بويىنشا، 27 794 ادام كورونوۆيرۋس ينفەكسياسىنان ەمدەلۋدە. ولاردىڭ ىشىندە 6 393 پاسيەنت ستاسيوناردا، 21 401 ناۋقاس امبۋلاتوريالىق دەڭگەيدە ەم قابىلداۋدا.

كوروناۆيرۋسقا شالدىققانداردىڭ اراسىندا 254 ادامنىڭ جاعدايى اۋىر، 54 پاسيەنتتىڭ جاعدايى وتە اۋىر، 38 ناۋقاس ءوجج اپپاراتىندا جاتىر.

ەل بويىنشا، COVID-19 جۇقتىرعانداردىڭ جالپى سانى 186 711-گە جەتتى. ونىڭ ىشىندە 2549 ادام ولگەن. 1 تامىزدان بەرى جۇرگىزىلىپ كەلە جاتقان پنيەۆمونيا ستاتيستيكاسىنا ساي، 47 858 ادام ىندەت جۇقتىرىپ، 569 ادام قايتىس بولعان.