قازاقستاننىڭ دەنساۋلىق ساقتاۋ ۆيسە-مينيسترى اجار عينيات كوروناۆيرۋسقا قارسى ۆاكسيناسيا پاسيەنتتىڭ كەلىسىمىمەن جۇرگىزىلەتىنىن ايتتى.
– ۆاكسيناسيالاۋ تەك ەكپەنىڭ اقپاراتتاندىرىلعان كەلىسىمىمەن، ياعني پاسيەنتتىڭ، مەديسينا قىزمەتكەرىنىڭ نەمەسە سول قاتەرلى توپقا جاتاتىن ادامداردىڭ كەلىسىمىمەن جانە مەملەكەتتىك بيۋدجەتتىڭ ەسەبىنەن تەگىن جۇرگىزىلەدى، – دەدى ول.
ۆيسە-مينيستر ۆاكسيناسيالاۋعا پروفيلاكتيكالىق ەگۋگە قارسى كورسەتىلىمدەرى جوق ادامدار جىبەرىلەتىنىن اتاپ ءوتتى.
– ەكپەنىڭ الدىندا دەنە تەمپەراتۋراسىن ولشەۋ مەن ەپيدەميولوگيالىق انامنەزدى جيناۋ، جۇرەك جيىرىلۋىنىڭ جيىلىگىن، ارتەريالىق قىسىمدى ولشەۋ، تىنىس الۋ جانە جۇرەك قان-تامىر جۇيەلەرىن تىڭداۋ، دارىگەردىڭ مىندەتتى تەكسەرۋىن جۇرگىزۋ كەرەك. ەگەر تەمپەراتۋرا 37-دەن اسسا، ەكپە جاساۋعا بولمايدى، – دەدى اجار عينايات.
پىكىر قالدىرۋ