تاۋەلسىزدىكتىڭ 30 جىلدىعىن مەرەكەلەۋگە دايىندىق جونىندەگى مەملەكەتتىك كوميسسيانىڭ ءبىرىنشى وتىرىسىندا پرەزيدەنت توقايەۆ مەرەكەنى اتاپ ءوتۋ بارىسى جايلى ايتتى.
سايت مالىمەتىنشە، قاسىم-جومارت توقايەۆ مەرەكەلەۋ بارىسىندا تاۋەلسىز قازاقستاننىڭ نەگىزىن قالاۋشى تۇڭعىش پرەزيدەنتتىڭ تاريحي ءرولى ەرەكشە اتالىپ، ەلباسى ساياساتىنىڭ ساباقتاستىعى بارلىق ءىس-شارالاردىڭ يدەولوگيالىق وزەگى بولۋى شارت ەكەنىن اتاپ وتكەن.
مەملەكەت باسشىسى تاۋەلسىزدىكتى اتاپ وتكەندە، ەلگە وزگەرىس اكەلمەگەن ءىس-شارالار تۋرالى ەسەپ بەرۋدىڭ قاجەتى جوق ەكەنىن ايتتى.
– تاۋەلسىزدىكتى اتاپ وتكەندە تالىمدىك، تاربيەلىك ءمانى بار اقپاراتتى ۇسىنىپ، جۇرتتى تارتاتىن جاڭا ءستيلدى، جاڭا فورماتتى كوبىرەك ەنگىزۋ قاجەت. ءار جەردە وتكىزىلگەن ءىس-شارالار تۋرالى قۇرعاق ەسەپتىڭ قاجەتى جوق. ەلگە وزگەرىس اكەلمەسە، مىڭداعان ماداققا تولى ماقالالاردان ەش قايىر بولمايدى، – دەدى توقايەۆ.
كوميسسيا وتىرىسىندا مەملەكەتتىك حاتشى قىرىمبەك كوشەربايەۆ، پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ، پرەمەر-مينيستردىڭ ورىنباسارى ەرالى توعجانوۆ، پرەمەر-مينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى، اقپارات جانە قوعامدىق دامۋ ءمينيسترى ايدا بالايەۆا ءسوز سويلەدى.
