ءبىرىڭعاي جيناقتاۋشى زەينەتاقى قورى سالىمشىلار ءوتىنىمىنىڭ قابىلدانباۋ سەبەپتەرىن ءتۇسىندىردى.
وتىنىمدەردىڭ قابىلدانباۋ سەبەپتەرى:
- سومالار دۇرىس كورسەتىلمەگەن، ونىڭ ىشىندە زەينەتاقى جيناقتارىنىڭ سوماسى ارتىق كورسەتىلگەن؛
- جەكە تابىس سالىعىن (جتس) تولەۋ ءتاسىلىن تاڭداۋ كەزىندە الۋعا سۇرانىس جاسالاتىن سومالار دۇرىس كورسەتىلمەگەن؛
- سالىمشىلار الۋعا بولاتىن سوما شەگىندە ەمەس، زەينەتاقى جيناقتارىنىڭ بۇكىل سوماسىن كورسەتكەن؛
- وتىنىمدە وزەكتى ەمەس سومالار كورسەتىلگەن، ياعني سالىمشىلار ينۆەستيسيالىق تابىستىڭ نارىقتىق اۋىتقۋىنا بايلانىستى زەينەتاقى جيناقتارى سوماسىنداعى وزگەرىستەردى ەسكەرمەگەن؛
- "بجزق" اق دەرەكتەر بازاسىندا جەكە زەينەتاقى شوتتارى جانە تيىسىنشە زەينەتاقى جيناقتارى جوق تۇلعالاردان دا وتىنىمدەر تۇسكەن؛
- سالىمشىلار قايتالايتىن وتىنىمدەر بەرگەن.
قور باسپا ءسوز قىزمەتىنىڭ اقپاراتىنشا، بجزق 2021 جىلدىڭ 25 قاڭتارىنان 5 اقپانىنا دەيىنگى ارالىقتا ۋاكىلەتتى وپەراتورلاردان ماقساتتى پايدالانۋ ءۇشىن مەرزىمىنەن بۇرىن تولەمدەردى جۇزەگە اسىرۋعا جولداعان 80 929 سالىمشىنىڭ ءوتىنىشىن قابىلدادى.
جالپى سوماسى 322،8 ملرد تەڭگەگە جۋىق 59 157 ءوتىنىش (73%-دان استام) الدىن الا ماقۇلدانىپ، وڭدەۋگە قابىلداندى. بجزق 21 772 ءوتىنىشتى (شامامەن 27%) زاڭناما تالاپتارىنا سايكەس كەلمەيتىندىكتەن قابىلدامادى.
وسىلايشا، 25 قاڭتاردان باستاپ ۋاكىلەتتى وپەراتورلار بولىپ تابىلاتىن بانكتەردە اشىلعان سالىمشىلاردىڭ ارنايى شوتتارىنا شامامەن 217 ملرد تەڭگە اۋدارىلدى.
پىكىر قالدىرۋ