الىشەر ەلىس ۇلى ءابدىقادىروۆ ۇلتتىق ەكونوميكا ۆيسە-مينيسترى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
"ق ر ۇكىمەتىنىڭ قاۋلىسىمەن الىشەر ەلىس ۇلى ءابدىقادىروۆ ۇلتتىق ەكونوميكا ۆيسە-مينيسترى قىزمەتىنە تاعايىندالدى" دەلىنگەن حابارلامادا.
ال ەرمەك امانتاي ۇلى الپىسوۆ باسقا جۇمىسقا اۋىسۋىنا بايلانىستى ۇلتتىق ەكونوميكا ۆيسە-مينيسترى قىزمەتىنەن بوساتىلدى.
الىشەر ءابدىقادىروۆ 1986 جىلى الماتى قالاسىندا دۇنيەگە كەلگەن. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن ەكونوميكا ماماندىعى بويىنشا ءتامامداعان.
2009-2015 جىلدارى ق ر يندۋستريا جانە ساۋدا، ينۆەستيسيالار جانە دامۋ مينيسترلىكتەرىندە جۇمىس ىستەدى.
2015-2016 جىلدارى پاۆلودار وبلىسىنىڭ يندۋستريالىق-يننوۆاسيالىق دامۋ باسقارماسىنىڭ باسشىسى قىزمەتىن اتقاردى.
2016-2018 جىلدارى استانا قالاسىنىڭ ينۆەستيسيالار جانە دامۋ باسقارماسىنىڭ باسشىسى بولدى.
2018-2019 جىلدارى — استانا قالاسى ينۆەستيسيالار جانە كاسىپكەرلىكتى دامىتۋ باسقارماسىنىڭ باسشىسى.
2019-2020 جىلدارى — "قازاقستاندىق يندۋستريا جانە ەكسپورت ورتالىعى" اق ("قازاقستاندىق يندۋستريانى دامىتۋ ينستيتۋتى") باسقارما ءتوراعاسى.
2020 جىلدىڭ اقپان ايىنان باستاپ قازىرگى تاڭعا دەيىن قاراعاندى وبلىسى اكىمىنىڭ ورىنباسارى قىزمەتىن اتقاردى.
پىكىر قالدىرۋ