الماتىدا پوليسەيلەر “L-كاپيتال” كومپانياسىنىڭ باسشىسىن ۇستادى. بۇل تۋرالى Polisia.kz سايتى حابارلادى.

الماتى قالاسىنىڭ پوليسيا دەپارتامەنتى تەرگەۋ باسقارماسىنىڭ مالىمەتتەرىنە سۇيەنسەك، 1962 جىلى تۋعان ازاماتشا ۇستالعان.

ول قىلمىستىق كودەكستىڭ 128-بابى (ادام ساۋداسى) بويىنشا ۋاقىتشا ۇستاۋ يزولياتورىنا قامالدى.

– اتالعان كومپانيانىڭ سالىمشىلارىنىڭ ۇجىمدىق مالىمدەمەلەرىنە سايكەس، قىلمىستىق كودەكستىڭ 217-بابى 3-بولىگى (قارجىلىق پيراميدانى قۇرۋ جانە وعان باسشىلىق ەتۋ) بويىنشا سوتقا دەيىنگى تەرگەۋ باستالعانىن بۇرىن حابارلاعان ەدى.

ۆەدومستۆوارالىق تەرگەۋ-جەدەل توبى قۇرىلدى. كومپانيانىڭ كەڭسەلەرىندە سانكسيالانعان تىنتۋلەر جۇرگىزىلدى. تولىقتىق، وبەكتيۆتىلىك جانە جان-جاقتىلىق پرينسيپتەرىن قاتاڭ ساقتاي وتىرىپ جۇرگىزىلگەن تەرگەۋ ارەكەتتەرىنىڭ كەشەنى بارىسىندا ءمان-جايلار انىقتالىپ، پروسەسسۋالدىق شەشىم قابىلدانادى. قازىرگى ۋاقىتتا قىلمىستىق ءىس بويىنشا 50 ادام جابىرلەنۋشى رەتىندە تانىلعان، – دەدى الماتى قالالىق پوليسيا دەپارتامەنتى باستىعىنىڭ ورىنباسارى رۇستەم ابدراحمانوۆ.