ەڭبەك جانە حالىقتى الەۋمەتتىك قورعاۋ مينيسترلىگى ۆەدومستاعا قاراستى مونيتورينگتىك توپ جۇرگىزگەن جوسپاردان تىس تەكسەرۋ بارىسىندا شىمكەنت قالاسىنىڭ №2 ارناۋلى الەۋمەتتىك قىزمەتتەر كورسەتۋ ورتالىعىندا قىزمەت الۋشىلاردىڭ قۇقىقتارىن بۇزۋدىڭ كوپتەگەن فاكتىلەرى انىقتالعانىن حابارلادى.
تەكسەرىسكە شىمكەنت قالاسىنىڭ تۇرعىنى ءاليا مامۋتوۆا Instagram-داعى شاعىمى نەگىز بولعان. بۇعان دەيىن ءاليا مامۋتوۆا ءى توپتاعى مۇگەدەك قىزى مەكەمەدە 7 جىل بويى زورلاعانىن حابارلادى. ونىڭ ايتۋىنشا، ەپيلەپسيامەن اۋىراتىن قىزى ەسىنەن تانعان كەزدە ونىڭ دەنەسىنە قول سۇعىلعان.
"تەكسەرۋ بارىسىندا قىزمەت الۋشىلار قۇقىقتارىنىڭ بۇزىلۋ فاكتىلەرى جانە ورتالىق قىزمەتىن ۇيىمداستىرۋدا كەمشىلىكتەر انىقتالدى. مىسالى، بىرنەشە پالاتادا جاتىن الاڭدار بەلگىلەنگەن نورمالارعا سايكەس كەلمەيدى. ءتيىستى 5 شارشى مەتر الاڭنىڭ ورنىنا قىزمەت الۋشىعا 3-تەن 4،5 شارشى مەترگە دەيىن كەلەدى. كەيبىر قىزمەت الۋشىلاردىڭ جەكە جۇمىس جوسپارلارى وڭالتۋدىڭ جەكە باعدارلاماسى ەسكەرىلمەي جاسالعان. بۇدان باسقا، قىزمەت الۋشىلار جۇمساق ينۆەنتارمەن جانە كيىممەن تولىق كولەمدە قامتاماسىز ەتىلمەگەن. قىزمەت الۋشىلاردىڭ كيىمىنىڭ ماركيروۆكاسى جوق. سونداي-اق اسحانا، اس بولمەسى، ازىق-تۇلىك قويماسىن تەكسەرۋ كەزىندە ءبىرقاتار بۇزۋشىلىقتار انىقتالدى. ولار ورتالىقتىڭ لاۋازىمدى ادامدارىندا ءتيىستى باقىلاۋدىڭ جوقتىعىن كورسەتەدى، اس بلوكتارىندا جانە باسقا دا ءۇي-جايلاردا انتيسانيتاريالىق جاعدايلاردان قىزمەت الۋشىلاردىڭ جاپپاي جۇقتىرۋ ءقاۋپى بار" دەپ جازدى مينيسترلىكتىڭ باسپا ءسوز قىزمەتى.
سونىمەن قاتار مينيسترلىك تاراپىنان وسىعان دەيىن جاسالعان ەسكەرتۋلەر بويىنشا ارەكەت جاسالماعان.
"تەكسەرۋ ناتيجەلەرى بويىنشا شىمكەنت قالاسىنىڭ اكىمدىگىنە ەڭبەكمينىنەن بىلىكتىلىك تالاپتارىن ەسكەرە وتىرىپ، ورتالىق ديرەكتورى مىرزاحان جولتايەۆتى اتقاراتىن لاۋازىمىنان بوساتۋ جانە مەكەمە باسشىسىن قوعامنىڭ بەلسەندى وكىلدەرى قاتارىنان تاعايىنداۋ تۋرالى ماسەلەنى قاراۋ جونىندە ۇسىنىس جىبەرىلدى" دەلىنگەن اقپاراتتىق حابارلامادى.
پىكىر قالدىرۋ