قىزىلورداداعى قىزىلجارما ىقشاماۋدانىندا كوپبالالى وتباسى تۇرىپ جاتقان ءۇي ورتەنىپ، جاسقا تولماعان نارەستەنىڭ جانسىز دەنەسى تابىلدى. بالالاردىڭ اناسى مەن 4 بالا اۋرۋحاناعا جەتكىزىلدى، دەپ جازادى sputnik.kz سايتى.

ءورت 50 شارشى مەترلىك "ۆرەميانكادا" بالالار ۇيىقتاپ جاتقاندا بولعان. جەڭىل ماتەريالداردان جاسالعان تامدى جالىن اپ-ساتتە شارپىعان.

وبلىستىق ءورت ءسوندىرۋ جانە اۆاريالىق-قۇتقارۋ قىزمەتىنىڭ ماماندارى ۇيدە بولعان 27 جاستاعى ايەل مەن بەس بالانى الىپ شىققانىمەن، ءۇيدىڭ كەنجەسى – جاسقا تولماعان ايلىق ءسابي تۇنشىعىپ قالعان. ايەل دەنەسىنىڭ 3 پايىزىن، 2018 جىلى تۋعان قىز دەنەسىنىڭ 0،1 پايىزىن كۇيىك شالعان. قالعان ءۇش بالاعا ىس تيگەن. ءقازىر ولار دارىگەرلەر باقىلاۋىندا.

كازتاگ سايتى كوپبالالى وتباسىنىڭ 2018 جىلدان بەرى باسپانا كەزىگىندە 1230-ى بولىپ تۇرعانىن، جەرگىلىكتى بيلىك ولاردى ۋاقىتشا باسپانامەن قامتاماسىز ەتەتىنىن حابارلادى.

وسىعان ۇقساس جاعداي 2019 جىلى 4 اقپاندا نۇر-سۇلتاندا بولعان. ول كەزدە ءورت سالدارىنان 2006، 2008، 2013، 2015 جانە 2018 جىلى تۋعان بەس قىز بالا قازا تاپقان.

مۇنىڭ ارتى كوپبالالى ايەلدەردىڭ نارازىلىعىنا اكەلىپ سوعىپ، بيلىك 21 مىڭ تەڭگە كولەمىندەگى اتاۋلى الەۋمەتتىك كومەك جاردەماقىسىن تاعايىنداعان.